Ateb y Galw: Beca Llwyd

Actores sydd wedi perfformio mewn nifer o gynyrchiadau ar lwyfan a theledu ac un o gyflwynwyr y rhaglen Stwnsh Sadwrn ar S4C, Beca Llwyd sy'n ateb cwestiynau busneslyd Cymru Fyw yr wythnos yma.

Pan o'n i'n llai, oedd Mam a Rhian ei ffrind yn mynd â ni gyd i Baby Gym. Oedd ganddyn nhw bedwar o blant yr un felly oedd 'na wyth ohona ni.

Dwi'n cofio'r twll mawr o sbwnj roedden ni'n neidio i fewn iddo fo a'r bisgedi buwch odda ni'n bwyta.

Bwrdd cegin tŷ ni (tŷ Mam a Dad). 'Da ni mor lwcus gallu gweld mynyddoedd Eryri drwy'r ffenest.

Mae Dad wastad yn coginio bwyd delicious a does 'na ddim byd yn well gen i na cael y chwech ohona ni (a phwy bynnag arall sydd draw ar y dydd) yn cael bwyd gyda'n gilydd.

Anodd meddwl am un. O'n i wastad yn caru'r nosweithiau ar ôl i ni orffen y perfformiad ola o sioe yn y coleg drama. Pawb wedi ymlâdd ond yn llawn egni r'un pryd. Pawb yn rili balch o'i gilydd. Teimlad lyfli a fizzy.

Egnïol, ymroddgar a gwerthfawrogol

Ci ni, Ben, yn dartio ar hyd traeth yng Nghernyw, sathru ar draws tyweli a matiau pawb, dymchwel cestyll tywod a bwyta barbeciws pawb! A'r chwech ohona ni yn rhedeg ar ôl Ben yn ymddiheuro wrth bawb yn trio ei ddal o. Dwi'n meddwl o'dd o'n briliant!

Dwi'n meddwl o'n i'n Blwyddyn 5. Nes i sgwennu nodyn yn gofyn i Gethin Bryn i fod yn gariad i fi. 'Nath Miss Phillips weld y nodyn. 'Nes i banicio a dwyn o'n ôl ganddi a rhwygo fo mewn i ddarnau bach fel bod hi methu ei ddarllen o... 'Nath hynny ddim stopio Miss Phillips.

'Nes i orfod isda yn gwylio hi'n rhoi o nôl at ei gilydd. Oedd yr holl firi yn y dosbarth wedi tynnu sylw pawb ac erbyn iddi hi lwyddo i ddarllen y neges, roedd y dagra' yn llifo. Yn cymryd piti arna fi 'nath Miss Phillips yrru fi i'r toiled gyda fy ffrind gora Ceri. Mortified!

Ddoe ond allai'm deud pam... ma'n rhy pathetic!

Dwi'n dyslexic a mae sillafu fi'n anobeithiol. Dwi'm yn rhy bothered i fod yn onast.

Mae'n greulon o drist ond 'nes i hedfan drwy'r llyfr Widow Basquiat: A Memoir by Jennifer Clement.

Isabella Eklöf... hi 'nath gyfarwyddo cyfres diweddara' Industry ar y BBC. 'Swn i'n trio ngorau i berswadio hi roi rhan i fi yn y gyfres nesa... gwerth trio yndi?

'Nes i gystadlu mewn ras beicio mynydd o'r blaen... byth eto!

Gwahodd pawb i Baby Gym i neidio fewn i'r twll spwnj efo fi. Mae'n rhaid i Sion Emlyn ddod ond croeso i bawb arall hefyd.

Mynd am dro ar y traeth a chael cinio efo fy nheulu. 'Swn i'n licio Dad a fi goginio'r salad crispi twrci 'da ni'n gael amser Dolig.

Wedyn 'swn i'n licio cael diod efo Evan yn yr haul a chwarae gêm o Othello... a 'swn i'n hoffi curo plîs.

Hwn di lock screen ffôn fi. Dwi'n lyfio'r llun 'ma. Ma' chwiorydd fi'n gorjys!

Dumbledore tra mae ganddo yr Elder Wand.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.