Yn anhepgor felly, mae damweiniau yn digwydd a dechrau Tachwedd diwethaf collodd bachgen ifanc lleol ei fywyd wrth iddo gerdded tua Thywyn.

Yn dilyn hyn ffurfiwyd deiseb gan Mrs Jackie Edwards, Bryncrug a'i chyfeillion yn gofyn i Gyngor Gwynedd symud ymlaen mor fuan a phosibl i greu llwybr amlbwrpas - i gerddwyr a beicwyr, ac i oleuo'r ffordd pe byddai hynny'n bosibl.

Cyflwynwyd y ddeiseb i Gadeirydd Pwyllgor Ardal Meirionnydd, Cyng. Louise Hughes, gan Arweinydd Portffolio'r Amgylchedd, Cyng. Arwel Pierce a Chynghorydd tref Tywyn, Alun Wyn Evans.

Yn y cyfamser, da yw deall bod yr Adran Drafnidiaeth yn derbyn bod angen gwelliannau, ac i'r perwyl hwnnw co¬misiynwyd cwmni i gynnal astudiaeth o'r ffordd gyda'r bwriad o gynnig opsiy¬nau o ran gosod y llwybr, ac wrth gwrs i ganfod amcangyfrif y gost.