Landanitti xiyyaaronni Kooriyaa fi Ayislaand walitti bu'an
Madda suuraa, @AVIATION_JAMIE
Xiyyaaroonni lama buufata xiyyaaraa Idil-addunyaa UK- Heetorootti ''xiqqoo waliitti bu'uu'' dubbii himtuun buufata xiyyaarichaa mirkanneessite.
Taateen kunis kan mudate Roobii ykn Fulbaana 28, 2022 alkan keessa jedhameera.
Xiyyaaroonni taatee kanaan waliitti bu'anis xiyyaara Ayislaandaayir fi xiyyaara daandii qilleensaa Kooriyaa yoo ta'an, kan walitti bu'anis dirree balaliinsaa gubbaatti jedhamera.
Xiyyaaroonni Ayislaandaayir yeroo baayyee US irraa biyyoota Awurooppaa fi Ayislaanditti tajaajila balaliinsaa kan kennaniidha.
Maddi taatee kanaas qoratamaa jiraachuutu himame.
Dubbi himtuun buufata Xiyyaara idil-addunyaa Heetoroow, ''Taatee mudateen walqabatee miidhaan qaqqabuu ilaalchisee kan gabaafame hin jiru.
Haata'u malee tajaajilliwwan balaa yeroo tasaa imaltoonniifi hojjattoonni xiyyaaraa hundi nagaa ta'uusaanii mirkaneessuuf hirmaataa jiru,'' jettee jirti.
Imaltoonnis sadarkaa balaliinsawwan isaanii akka ilaallataniif gaafatamaniiru.
Imaltoota wayita taateen kun mudateetti balaliinsi tursiifamuu isaatiin miidhame keessaa tokko gaazexessaa beekamaa Jeennie Gow tokko.
Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Ximaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.
Xumura maxxansa X
Gaazexessaan Guardian Dan Sabbagh, wayita taateen sun mudatutti xiyyaara Daandii Qilleensaa Kooriyaa keessa jiraachuu kan dubbates, xiyyaara kaan waliin silaa 'walitti bu'uuf' turan jedheera.
Ergaa karaa toora tiiwitara isaatiin barresseen, ''Xiyyaara Daandii qilleensaa Kooriyaa kan buufata Heetrootti xiyyaara Ayislaandaayir waliin waliitti bu'uuf ture keessan ture. Imalaan gama gara sanaatiin ture fi balaa sana arge akka natti himeetti balaliisaan xiyyaara keenyaa eegee xiyyaara kaanii miidheera.
''Ani xiyyaara kanarran ture garuu keessatti omtu nutti hin dhagahamne jechuu hin dandeenyu. Ammatti balaan qaqqabe omtu hinjiru, omtus hin hubamne,'' jechuun barreesse.
Madda suuraa, Noah Sabbagh
