Money Ritual: Ẹnìkan tó ṣe òògùn owó ní èèyàn kò gbọdọ̀ bèèrè ìrúfẹ́ ẹ̀jẹ́ tí wọn bá gbé lé àwọn lọ́wọ́ torí ọ̀rẹ́ òun tó bèèrè irú rẹ̀ kú ni
Yoruba ni ẹda ti ko ba mọ ibi ti ẹgbẹ rẹ ti la, yoo sare asaku nitori isalẹ ọrọ ni ẹgbin.
Ni akoko yii, isẹlẹ fifi eeyan se oogun owo lo gbode kan, ti ọpọ ọdọ si n kanju wa owo nipa gbigba ọna ẹburu lati ni owo.
Ọpọ ọmọbinrin ni wọn ti ri oku wọn, ti ẹya ara wọn ko pe mọ, eyi ti wọn fura si pe wọn fi wọn se etutu ọla ni.
- Wo ohun tí Jaruma Oníṣòwò “Kayamata” tún ṣe tí wọ́n ń gbé e padà lọ s'ẹ́wọ̀n
- Ìdí tí ìyàwó Ààrẹ, Aisha Buhari fi lọ ìpàdé awọn aṣòfin
- Sotitobire: Ẹ wá wo ohun t'Ọ́lọ́run ń ṣe ní ìjọ mi lẹ́yìn tí mo bọ́ ní ẹ̀wọ̀n gbére tẹ́ẹ tì mí lọ
- Kí ni Sajẹ́ńtì Ọlọ́pàá lọ ṣe nílé gómìnà Ogun tẹ́lẹ̀ tó tẹ́rí gba ikú?
- Kìí ṣe ẹ̀bi àwa òṣèré tíátà pé àwọn ọ̀dọ̀ ń kánjú wá owó - Mr Latin
- Àbúrò mi dágbéré pé òun fẹ́ dé ibì kan, ìròyìn ikú rẹ̀ ni mo gbọ́
- Ọwọ́ ọlọ́pàá tẹ afurasí tó gé ojú-ara ọmọdébìnrin ọdún mẹ́fà fún ètùtù ọlà
- Tí òògùn owó bá wà nínú Ifa ni, n kò bá ti kọ́ ilé ńlá fún ara mi- Babaláwo
- Ọwọ ọlọ́pàá tẹ ọmọ ọdún 15 mẹ́ta lásìkò tí wọ́n fẹ́ fi èèyàn ṣe òògùn owó
- Ìwádìí tó kúná ni a fẹ́ láti mọ̀ àwọn Onígbọ̀wọ́ olóògùn owó ní Oja Odan- Oba Oladiipo Oyebamiji
- Bàbá akẹ́kọ̀ọ́ LASU tí ọ̀rẹ́kùnrin rẹ̀ àti pásítọ̀ fi ṣ'oògùn owó ń bèèrè fún ìdájọ́ òdodo
Bakan naa, ni aimọye ọdọkunrin ti ya were soju popo nitori wọn ni wọn se oogun owo.
Awọn isẹlẹ akanilaya yii lo mu ki BBC se iwadii nipa oogun owo sise, ta si ba eeyan kan to ti gbinyanju tẹlẹ lati se oogun owo sọrọ.
Bakan naa la ba iya ọmọbinrin kan ti wọn fi furasi pe wọn fi se oogun owo sọrọ ati Babalawo kan to sọrọ nipa atubọtanfun onisegun to ba se oogun owo fun eeyan.
Orisirisi oogun owo to wa:
Gẹgẹ bi ẹnikan ta fi orukọ bo lasiri, to ti se etutu ọla sọyin ti salaye fun BBC, orisi oogun owo mẹta to mọ ni iwọnyi:
- Fifi orukọ ẹni ti wọn fẹ lo ransẹ si Babalawo
- Jijẹ asejẹ pẹlu Gbẹrẹ
- Lilo eeyan lati fi se etutu.
Babaláwo fún mi ní igbá tó kún fún ẹ̀jẹ̀, ọsẹ dúdú àti Ajá ààyè fún ètùtù ọlà:
Bakan naa ni ẹni yii sọ fun BBC pe nigba ti oun gbiyanju lati se etutu ọla, Babaláwo fún oun ní igbá tó kún fún ẹ̀jẹ̀, ọsẹ dúdú àti Ajá to wa ni ààyè fún ètùtù ọlà.
Amọ o ni oun ko le sọ boya ẹjẹ eeyan lo wa ninu igba naa tabi ti ẹranko.
O ni ẹru n ba oun lati beere pe iru ẹjẹ wo lo wa ninu igba nitori ọrẹ oun to beere iru rẹ saaju, ya were ni.
“Babalawo ni ki n maa fi ọsẹ dudu wẹ ni alaalẹ, ti wọn yoo si pa awọn eeyan ti wọn ba lo, lẹyin ti wọn ba ti lo asiki ara wọn tan.”
O ni eyi ni ko ni jẹ ki onitọun lọ fi isẹlẹ naa to awọn ọlọpaa leti.
Ilegbe ni ọmọ mi wa lọ si ọgba fasiti, ki wọn to dumbu rẹ - Elizabeth Gege
Elizabeth Gege tii se mama ọmọbinrin kan, Elozino ti wọn ri oku rẹ lọdun 2018 ba BBC sọrọ lori bi wọn se lo ọmọ rẹ gun oogun owo.
O ni ilegbe ni ọmọbinrin naa wa lọ si ọgba fasiti ipinlẹ Delta, ki wọn to dumbu rẹ.
O ni awọn ẹya ara rẹ kan ti di awati, awọn si fura si pe awọn agbenisowo ọmọ Yahoo lo lo ọmọ oun fun etutu ọla.
Elizabeth wa n kerora pe isẹlẹ naa ti mu ki aye su oun bayii.
Babalawo to ba se etutu ọla fun ọmọ Yahoo ko ri aye wa – Oluwo
Nigba to n ba BBC sọrọ, Oluwo Olakunle Olawole, tii se babalawo ni adahunse to ba se etutu ọla fun ọmọ Yahoo ko ri aye wa rara.
Bakan naa lo fikun pe yoo dara ki iru ẹni bẹẹ lọ yii iwa pada, ko le ni ọjọ ọla.
“Kii se pe awọn ọmọ Yahoo kii wa si ile mi, wọn maa n wa lorisirisi amọ mo maa n yi wn lọkan pada ni.
Mo maa n se eyi nipa sisọ fun wọn pe wọn si le lowo lai lu jibiti tabi lo ẹya ara eeyan.
Mo si maa n gba wọn ni imọran lati yi wọn lọkan pada, ki wọn maa ba lọ si ọdọ ẹlomiran ti yoo se oogun owo fun wọn.
Bakan naa ni BBC ba alukoro tẹlẹ́ fun ileesẹ ọlọpaa ilẹ wa, Frank Uba sọrọ, to si salaye igbesẹ ti wọn n gbe lati fopin si iwa fifi eniyan se owo.
