Mr Latin sọ pé ìjọba àtàwọn òbí ló lẹ̀bi bí àwọn ọ̀dọ̀ ṣe ń ṣe oògùn owó

Aarẹ ẹgbẹ awọn oṣere tiata Yoruba, Bolaji Amusan, ti ọpọ awọn ololufẹ rẹ mọ si Mr Latin ti sọ pe kii ṣe ẹbi awọn oṣere tiata ni bi awọn ọdọ ṣe n ṣe oogun owo laye ode oni.

Ọrọ naa lo jẹyọ lẹyin ti awọn iroyin bi awọn ọdọkunrin kan ṣe ge ori eeyan lọna fi ṣe oogun owom bẹrẹ si n fa ori ayelura ya.

Ninu atẹjade kan loju opo TAMPAN lori Instagram, Mr Latin sọ pe ẹbi ijọba ati awọn obi ti ko tọju awọn ọmọ wọn lọna to tọ ati eyii to yẹ ni, kii ẹbi awọn oṣere.

Gẹgẹ bii ohun to sọ, gbogbo oogun owo ti wọn maa n ṣe ninu ere lo maa n ni atubọtan, eyii ti yoo jẹ arikọgbọn fun awọn to ba wo ere naa.

O ni "Fun awọn to n da wa lẹbi, ibi ti wọn le ronu mọ niyẹn, mi o tii ri ere kankan ti ẹni to ṣoogun owo ninu rẹ ti lọ lai jiya ri."

"Lẹyin naa, a maa n sọ iye ọjọ ori awọn to le wo awọn ere wa, bii ẹni ọdun marundinlogun, tabi mejidinlogun, to n tumọ si pe ẹni ti ọjọ ori rẹ ko ba tii to ọdun marundinlogun ko gbọdọ wo irufẹ ere bẹẹ."

"A ko le sọ pe iwa ipa pọ nilẹ Amẹrika nitori bi wọn ṣe maa n yinbọn ninu awọn fiimi wọn, rara o! Ẹbi awọn obi ati ijọba ni."

Awọn obi ti kuna

Mr Latin tẹsiwaju pe "Awọn obi mii ko tilẹ ki n tọju awọn ọmọ wọn, ọmọ ọdun mẹtadinlogun mii yoo gbe ọkọ wa sile awọn obi rẹ ko si ni bere ibi to ti ri ọkọ ọhun."

Mr Latin sọ pe ko tọ ki awọn eeyan maa wo fiimu lai wo irufẹ fiimu bẹẹ pari ki wọn to maa da awọn lẹbi."

Lẹyin naa lo ṣeleri pe awọn gẹgẹ bii ẹgbẹ oṣere yoo bẹrẹ si ṣe awọn ere ti yoo maa sọ nipa igba aye rere.