Bakura Agricultural College: Awọn agbébọn gbé àwọn akẹ́kọ̀ọ́, wọ́n tun pa ààyàn mẹ́rin ní Zamfara
Oríṣun àwòrán, facebook
Awọn agbebọn ti gbe awọn akẹkọọ ati olukọ ni ile ẹkọ giga College of Agriculture and Animal Health ni Bakura, nipinlẹ Zamfara.
Igbakeji Ọga Agba ile ẹkọ naa, Mallam Aliyu Bakura fi idi iṣẹlẹ naa mulẹ fun BBC.
O sọ pe wọn tun pa eeyan mẹrin, lara wọn ni ọlọpaa kan ati oṣiṣẹ alaabo mẹta.
Ni nkan bi aago mẹwaa alẹ ni wọn wọ inu ọgba ile ẹkọ naa, ti wọn si bẹrẹ si ni yinbọn.
Bakan naa ni Mallam Bakura sọ pe akẹkọọ mẹẹdogun, olukọ kan, iyawo ati ọmọ rẹ meji ni wọn gbe lọ.
- Agbébọn pa akẹ́kọ̀ọ̀ kan, jí ọ̀pọ̀ míràn gbé lọ ní Poly Kaduna
- Ọwọ́ ti tẹ ogún afurasí lára àwọn tó pa àwọn arìnrìnajò láti ìpínlẹ̀ Ondo ní ìpakúpa ní Jos - Iléèṣẹ́ ọlọ́pàá
- Ẹni orí yọ, ó di ilé ni ọ̀rọ̀ dì fún àwọn ọmọ orílẹ̀-èdè Afghanistan nítorí wàhálà tó n wáyé láàrin Taliban àti ìjọba
- FBI àti ìjọba Amẹ́ríkà tẹ ẹ̀tọ́ Nàíjíríà lójú lórí ẹ̀sún tó fi kan Abba Kyari
Mallam Bakura sọ pe awọn agbebọn naa pọ to wa, to si jẹ pe ori odi ileewe naa ni wọn gba wọle. Ti wọn si ṣe ikọlu naa fun bi wakati meji pẹlu ibọn to n dun lakọ-lakọ.
Oṣu Keje ni awọn agbebọn kan kọlu ile ẹkọ Bakura College, ti wọn si gbe Ọga ile ẹkọ naa ni ibugbe awọn olukọ.
Eyi waye lẹyin ti awọn agbebọn kan pa eeyan to le ni ogoji ni agbegbe Maradun, ti ko fi bẹẹ jina si Bakura.
Bakan naa ni ikọlu miran tun waye nibi ti wọn ti gbe awọn akẹkọọbinrin nile ẹkọ kan ni Jangebe, ti oun naa wa nitosi Bakura.
