Barcelona vs Bayern: Koeman di akọ́nimọ̀ọ́gbá Barcelona tuntun lẹ́yìn ìjàmbá Champions League
Oríṣun àwòrán, PA Media
Omi tuntun ti ru lẹgbẹ agbabọọlu Barcelona, Ronald Koeman ti di akọnimọọgba tuntun ikọ naa.
Oun lo rọpo Quique Setien ti wọn ṣẹṣẹ fọwọ osi juwe ile fun un ni kopẹ kopẹ.
Koeman ẹni ọdun mẹtadinlọgọta fi iṣẹ rẹ gẹgẹ bi akọnimọọgba ẹgbẹ agbabọọlu orilẹede Netherlands silẹ nibi ti adehun to fọwọ si ti ku ọdun meji lati gba iṣẹ Barcelona.
- Amotekun kò tọ́ lábẹ́ ìjọba, ẹ búra fún wá, ká bọ́ sígbó láti ṣeré ọwọ́ pẹ̀lú ọ̀daràn - Sunday Igboho
- Mama Arsenal ṣeé débi èrè, ẹgbẹ́ kan ti fún màmá l'ẹ̀bùn owó
- Atorí ìkan ṣèkan l'Ọlọ́run! De Bruyne gba àmì ẹ̀yẹ Premier League mọ́ Henderson lọ́wọ́
- Ìjọ́ mí ní Italy ni mo fi ń ṣèrànwọ́ fáwọn aṣẹ́wó ọmọ Nàíjíríà tó há - Taribo West
- Ààrẹ orílẹ̀èdè Mali Boubacar Keita kọ̀wé fipò sílẹ̀
- Àwọn òṣèré tíátà Yorùbá kọjú ìjà síra wọn lórí ìdárò akẹẹgbẹ́ wọn tó kú
Koeman gbabọọlu fun ikọ Barcelona laarin ọdun 1989 si 1995, o si gba ami ẹyẹ La Liga mẹrin ati ife ẹyẹ kan ni Yuropu.
Oríṣun àwòrán, Getty Images
Ipo keji ni Barcelona gba ni saa bọọlu to ṣẹṣẹ pari ninu eyi ti wọn ko si ri ife kankan gba fun igba akọkọ lati ọdun 2008.
Oríṣun àwòrán, Getty Images
Barcelona to yan Ramon Planes gẹgẹ bi oludarieto kata-kara agbọọlu eleyi ti Eric Abidal di mu tẹlẹ ki wọn to ni ko maa lọ lọjọ Iṣẹgun.
Akitiyan lati yan akọnimọọgba mii bẹrẹ lẹyin ti Bayern Munich lu Barca lalu bolẹ ninu idije UEFA Champions League pẹlu ami ayo mẹjọ si meji.
Ìjàmbá ṣe wá ní Barcelona, aṣọ ò bá Ọmọ́ye wa mọ́- Gerard Pique
Paa lẹẹkinni, paa lẹẹkeji, paa lẹẹkẹta, bi oju ọhun ko ba fọ tan, yoo pada di bai bai. Bayii lọrọ ṣe ri fun ẹgbẹ agbabọọlu Barcelona ti Bayern Munich lu lalubami.
Ami ayo mẹjọ si meji ni Bayern fi ṣagba Barcelona ninu ifẹsẹwọnsẹ to waye lorilẹede Portugal lalẹ ọjọ Ẹti, ọjọ kẹrinla oṣu kẹjọ ọdun 2020.
Ọkan lara awọn gbajugbaja agbabọọlu Barcelona, adilemu, Gerard Pique ke gbajari pe abuku nla kan Barca, o ni omi ti tẹyin wọ igbin lẹnu.
- Ọ̀rọ̀ ìtàjẹ̀sílẹ̀ ní Nàìjíríà yìí tí ń kọ àwa Oṣo àti Àjẹ́ lóminú, a fẹ́ wa ǹkan ṣe síi
- Ìpànìyàn tún wáyé ní Akinyele, àwọn ará àdúgbò ṣe ìwọ́de
- Mi ò tí ì mọ obìnrin rí; kódà, mí ò ní 'Girlfriend'- Mr Macaroni
- Mama Arsenal ṣeé débi èrè, ẹgbẹ́ kan ti fún màmá l'ẹ̀bùn owó
- Ikú dóró! Ó pé ọdún mọ́kànlélọ́gbọ̀n tí Samuel Okwaraji ṣubú lójú ìjà
Pique ni kii ṣe igba akọkọ, tabi ekeji tabi ẹkẹta ti irufẹ abuku yii yoo kan Barcelona.
Adilemu naa sọ pe asiko ti to fun gbogbo agbabọọlu Barcelona lati ati awọn alaṣẹ lati wa nnkan ṣe si ina ẹgbẹ agbbọọlu naa to n jo ajo rẹyin bayii.
Amọ akọnimọọgba Barca fun ra rẹ, Quique Setien ni oun ko tii le sọ bo ya oun yoo fi ẹgbẹ agbabọọlu naa silẹ laipẹ.
Oríṣun àwòrán, Getty Images
O ni otitọ ni pe ijamba ṣe Barca lọwọ Bayern, ṣugbọn ọrọ naa gba ki onikaluluku ronu ọna lati tẹ agbabọọlu Barca siwaju.
Ẹwẹ, agbabọọlu Manchester United nigba kan ri, Rio Ferdinand sọ pe asiko ti to fun ẹlẹsẹ ayo Lionel Messi lati ronu lori ibaṣepọ rẹ pẹlu Barcelona.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
Ferdinand sọ pe pẹlu bi gbogbo nnkan ṣe polukurumusu ni Barcelona bayii, o dabi wi pe asiko ti to fun Lionel Messi lati fi Barca silẹ.
Ohun ti Ferdinand n sọ ni pe bi a ba pẹ lori imi, eṣin keṣinṣin lo n ba ni nibẹ.
