Katsina mosque kidnap:30 nínú 40 àwọn tí wọ́n jígbé nínú mọ́ṣáláṣí ní Katsina ti gba ìtúsílẹ̀, àráàlú ní irọ́ lọlọ́pàá pa lórí ìtúsílẹ̀ wọn

Ninu mọṣalaṣi ni wọn ti ji awọn eeyan naa gbe lasiko ti wọn n gbadura.

Ileeṣẹ ọlọpaa ni ipinlẹ Katsina ri gba ọgbọn ninu ogoji awọn ewyan t'awọn agbebọn ji gbe ninu mosalasi kan ni ijọba ibilẹ Jibiya.

Lasiko tawọn wwyan naa n ṣe adura Tahajjud l'awọn agbebọn naa ji wọn gbe.

Alukoro ileeṣẹ ọlọpaa n'ipinle Katsina, Gambo Isah ṣalaye fun BBC pe laarin oru ni iṣẹlẹ naa waye lọjọ Aje nigba tawọn agbebọn naa ṣigun lu mọsalaṣi runt ni Unfuwa Kwata.

O ni awọn ọlọpaa, awọn ikọ fijilante atawọn araalu bẹrẹ iṣẹ ni kete iroyin nipa iṣẹlẹ naa lo ti kan lu agbami isẹ lori rẹ eleyi ti wọn fi ri ọgbọn ninu wọn gba pada.

O ni igbesẹ ri bẹrẹ lati ṣawari awọn mẹwaa to ku ati pe wọn ko tii le sọ boya ọwọ awọn ajinigbe naa ni wọn ṣi wa tabi wọn ti bọ kuro lọwọ wọn.

Alukoro ọlọpaa Gambo Isah fi kun un pe gbogbo awọn ti wọn gba lọwọ awọn ajinigbepawo naa ni wọn ti pada sọdọ awọn ẹbi wọn.

Amọṣa awọn eeyan ilu naa kan sọ ọ di mimọ fun BBC pe awọn ọlọpaa ko mọ si bi awọn eeyan naa ṣe gba itusilẹ atipe awọn ọlọpaa kan n janu lasan ni.

Bi ẹ ko ba ni gbagbe, ni ipinlẹ Katsina yii kan naa to jẹ ipinlẹ ibinibi Aarẹ Muhammadu Buhari lawọn ajinigbe kan naa ti ji awọn akẹkọọ gbe ni Kankara.

Àwọn agbébọn ya wọ mọ́ṣáláàṣí, wọ́n gbe èèyàn 40 lọ lásìkò àdúrà Tahajjud

Awọn agbebọn ti gbe eeyan bi ogoji to lọ fun adura Ramdan ni mọṣalaaṣi kan nipinlẹ Katsina.

Iroyin sọ pe ni nkan bi aago meji oru ọjọ Aje ni awọn agbebọn naa yawọ mọṣalaaṣi lasiko ti awọn eeyan naa n gbadura.

Adura oru yii, Lailatu jẹ aṣa awọn Musulumi fun ọjọ mẹwaa to ba kẹhin oṣu Ramadan.

Ọkan lara awọn ti iṣẹlẹ naa ṣoju wọn, Babangida Alolo sọ fun awọn akọroyin pe tọkunrin-tobinrin ni awọn olujọsin ti wọn gbe lọ.

Ìdí tí a ò fi pa àwọn ajínigbé tó gbé àwọn akẹ́kọ̀ọ́ Kankara nìyìí'

Bakan naa ni agbẹnusọ fun ileeṣẹ ọlọpaa nipinlẹ Katsina, Gambo Isah, sọ fun BBC pe lootọ ni isẹlẹ naa waye.

Isah sọ pe ninu ogoji eeyan ti wọn jigbe, ọgbọn ti kuro ni akata wọn.

Wọn raaye salọ mọ ajinigbe lọwọ nitori bi awọn ọlọpaa ati araalu to le wọn ṣe finna mọ wọn.

"Lẹyin ti wọn gbe awọn eniyan naa, ọna kan to lọ si ipinlẹ Zamfara ni wọn gba lọ.

O ni: "Ọpẹlọpẹ awọn ọlọpaa ati awọn eeyan to le wọn lo mu ko ku eeyan mẹwaa si ahamọ wọn."

Ọgbẹni Isah sọ pe awọn ọlọpaa ṣi n lepa wọn. O ni l'agbara Ọlọrun, eeyan mẹwaa to ṣi wa nibẹ naa yoo gba ominira laipẹ.

Lati bi oṣu diẹ ni iṣẹlẹ ijinigbe ti n waye ni awọn ipinlẹ to wa ni Ariwa Naijiria, ṣugbọn igba akọkọ re e ti awọn agbebọn kọlu mọṣalaaṣi lati gbe awọn olujọsin.