Borno Zabamari Massare: Àjọ NCC fẹ́ tú ìwé owó àwọn olúpèsè ìtàkùn ìbánisọ̀rọ̀ wo

Ajọ to n risi eto ibanisọrọ lorilẹede Naijiria, National Communications Commission, NCC ti ni ki gbogbo awọn ileeṣẹ to n pese itakun fun ibanisọrọ lori foonu, dawọ tita kaadi ibanisọrọ duro.

Bakan naa lo ni ki wọn tun dẹkun eto iforukọsilẹ fawọn olubara to n ra kaadi pelebe inu foonu lati fi sọrọ duro ni kiakia.

Oludari ẹka ọrọ to kan araalu labẹ ajọ NCC, ọmọwe Ikechukwu Adinde, l'Ọjọbọ ni awọn pa aṣẹ yii ki ajọ naa baa le ṣe ayẹwo iwe owo iye awọn to n ra afẹfẹ ibanisọrọ lọwọ wọn.

Àwọn iròyin tì ẹ leè ní ìfẹ̀ síí:

O ni o ṣe pataki fun awọn onibara lati maa tẹle alakalẹ ti wọn yoo maa fi sita titi ti ajọ naa yoo fi pari ayẹwo iwe owo naa.

O ni bi wọn ba si rii pe ẹnikẹni ninu wọn kuna ti koju osuwọn, ijọba yoo gba iwe aṣẹ iṣiṣẹ lọwọ wọn.

Igbesẹ yii waye lẹyin ọjọ melo kan ti awọn aṣofin n beere pe ki lode ti ikọ Boko Haram atawọn janduku mii n fi ẹrọ ibanisọrọ ṣe iṣẹ aburu ti ijọba ko si ri wọn mu.

Wọn ni bawo ni wọn ṣe n ri kaadi itakun ibanisọrọ ti wọn forukọ wọn silẹ nigba ti wọn ra a lo ṣugbọn ti o nira fun awọn oṣiṣẹ alaabo lati fi ọwọ ofin mu wọn.

Awọn aṣofin n beere ibeere yii nitori iṣoro aabo to wa lorilẹede Naijiria, paapaa eyi to ṣẹ ṣẹlẹ ti awọn Boko Haram dumbu awọn agbẹ ni ipinlẹ Borno.

Agbẹnusọ ajọ naa tun ni minisita eto ibanisọrọ ati ọrọ aje igbalode, Ọmọwe Isa Pantami lo fun awọn laṣẹ ṣiṣe ayẹwo iwe owo naa ni kiakia.

O ni igbesẹ yii yoo ran awọn to n ta itakun ibanisọrọ yii lọwọ lati maa tẹlẹ ilana to duro ṣinṣin atipe igbesẹ yii ṣe pataki tori ọna ti wọn n gba ṣe iforukọsilẹ awọn to n ra kaadi ọhun ti wọn si fi n ṣiṣẹ ibi.

Èyí ni ìtàn Ọkùnrin tó rí ẹ̀wọ̀n he nítorí àkùkọ aládúgbò rẹ̀ tó pa

Èyí ni ìtàn Ọkùnrin tó rí ẹ̀wọ̀n he nítorí àkùkọ aládúgbò rẹ̀ tó pa

Arakunrin kan lorilẹede France yo lọ ṣe ẹwọn oṣu marun un lori ẹsun pe o yinbọn pa akukọ kan to ni o n pariwo di oun leti.

Akukọ naa ti orukọ rẹ n jẹ Marcel lagbegbe Ardeche, ni arakunrin naa yinbọn pa nitoeipe o n fi ariwo dii lọwọ.

Lẹyin ti Marcel, iyẹn Akukọ ti a n wi naa ku ni olowo rẹ torukọ rẹ n jẹ Sebastian Verney bẹrẹ si nii kọ iwe ifisun fun idajọ ododo fun un.

Nnkan bii ẹgbẹrun lọna ọgọrun eeyan lo ti buwọlu iwe ifisun naa

Ileẹjọ da ọkunrin naa lẹbi lori pe o hu iwa ika si ẹranko at'awọnẹsun miran bẹẹ.

Amọṣa, ileẹjọ ni arakunrin naa ko ni ṣe ẹwọn naa bayii ayafi to ba tun daran miran lọjọ iwaju.

Bakan naa ni wọn tun ni ko san ọọdunrun owo Euro, lẹyin naa ni wọn tun fofin de e pe ko gbọdọ gbe ibọn fun ọdun mẹta gbako.

Arakunrin Verney to ni akukọ naa ni eyi ko lee di ofo to ṣe oun.

O ṣalaye ninu iwe ifisun to kọ pe ajalu nla gbaa lo ṣẹlẹ si ẹbi oun o wa fi kun un pe ki wọn sọ ileto oun di ibudo ikonkan iṣẹmbaye si.

Lọdun to kọja, lorilẹede France yii kan naa ni ileẹjọ ti gbe idajọ kalẹ lẹyin t'awonaladugbo pariwo pe akukọ kan n fi kikọ rẹ di awọn lọwọ lowurọ kutukutu.