#EndSARS: Amẹrika ń fẹ́ ìdájọ́ òdodo lórí ìwàdìí ìṣẹ̀lẹ̀ ìwọ́de #EndSARS ní Lekki toll gate
Oríṣun àwòrán, Getty Images
Orilẹede Amẹrika ti ni oun n reti esi ijọba apapọ ati ijọba ipinlẹ Eko lori abọ igbimọ to ṣe iwadii lori iwọde #EndSARS nibi tawọn eeyan ti sọ pe awọn ọlọpaa ati sọja pa awọn oluwọde ni Lekki toll gate niluu Eko ni ogunjọ oṣu kẹwaa ọdun 2020.
Igbimọ oluwadii ẹlẹni mẹjọ ti adajọ to ti fẹyinti, Doris Okuwobi, fi abọ iwadii rẹ ṣọwọ si ijọba nibi ti wọn ti fidi rẹ mulẹ pe awọn sọja ati ọlọpaa yinbọn pa awọn eeyan to n ṣe ifẹhonuhan wọọrọwọ ni Lekki toll gate.
Igbimọ naa sọ ninu abọ rẹ to fi sita pe o kere tan eeyan mẹsan an ni wọn ṣekupa nini iṣẹlẹ ọhun.
- Wọ́n ti ń bèrè lọ́wọ́ abúrò ọkọ mi pé èlò ni wọ́n fẹ́ gbà, ẹ ṣàánú wa o! - Ìyàwó Timothy tó kú sí Hilton Hotel Osun figbe ta
- Wọ́n lù mí bíi ẹní máa kú, wọ́n ya aṣọ mọ́ mi lọ́rùn nílé Princess kí n tó dé àgọ́ ọlọ́pàá - Baba Ijesha
- Pásítọ̀ onísọjí tó fí ipá bá olóyún oṣù mẹ́jọ sùn ní Ondo, ohun tí a mọ̀ rèé
- Ìkúnlẹ̀ abiyamọ ò! Wo bí arábìnrin yìí ṣé bínú dá omi gbígbóná s'ará ọmọ ọ̀dọ̀ rẹ̀
- Àwọn alamí ìjọba kan ti wà láàrín àwa ajìjàgbara Yoruba Nation tó ń bínú pé Sunday Igboho ti ga ju àwọn lọ - Akintoye
- Wọ́n yọ Nàìjíríà kúrò lára àwọn orílẹ̀èdè alákatakítí ẹ̀sì lágbàáyé, ọ̀pẹ́ Buhari sí Anthony Bliken rèé
Eeyan mejelaadọta ni igbimọ ọhun sọ pe wọn farapa ninu eyi ti mejilelogun fara gba ọta ibọn nigba ti awọn sọja ati ọlọpaa ṣe ikọlu sawọn mẹẹdogun.
Victor Sunday Ibanga, Abuta Solomon, Jide, Olalekan Abideen Ashafa, Olamilekan Ajasa, Kolade Salami, Folorunsho Olabisi, Kenechukwu Ugoh, ati Nathaniel Solomon ni orukọ awọn ti wọn lo gbẹmi mi nibi iṣẹlẹ naa.
Igbimọ ọhun tun sọ pe Abiodun Adesanya, Ifeanyi Nicholas Eji, ati Tola ati Wisdom naa ṣagbako iku nibi iṣẹlẹ naa.
Amọ, akọwe ijọba orilẹede Amẹrika to n ri si ọrọ ile okeere, Anthony Blinken, sọ lasiko ipade rẹ pẹlu Aarẹ Muhammadu Buhari ilẹ Amẹrika n reti igbesẹ ijọba apapọ ati ti ipinlẹ Eko lori abajade igbimọ oluwadii to fi esi rẹ ṣọwọ si ijọba.
Blinken sọ fun Buhari pe ki ijọba gba ọrọ awọn ẹbi awọn eeyan to ku tabi farapa ninu iṣẹlẹ ọhun ro.
Abọ iwadii naa tun fidi rẹ mulẹ pe eeyan mọkalelaadọta lo ku lapapọ lasiko iwọde EndSARS nipinlẹ Eko.
Igbimọ naa sọ pe ara oku awọn eeyan yi ni oku mọkandinlọgọrun ti wọn pin kaakiri ile iwosan niluu Eko.
Ṣugbọn agbẹjọro fun ijọba ipinlẹ Eko, Abiodun Owonikoko (SAN), ni kudiẹ kudiẹ wa ninu abọ igbimọ oluwadii to fi ṣọwọ si ijọba.
O ni kudiẹ kudiẹ bi ogoji lo wa ninu abọ igbimọ naa ati pe o lodi bi igbimọ ọhun ti jẹ ki abọ iwadii rẹ han sita si gbogbo eeyan.
