Ondo Rape: Pásítọ̀ ní ẹ̀mí èsù ló gbé òun wọ̀ títí òun fi fi ipá bá olóyún oṣù mẹ́jọ lòpọ̀!
Oríṣun àwòrán, Others
Ọwọ ti tẹ pasitọ ẹni ọdun mẹrindinlọgọta, Festus James to fi ipa ba oloyun osu mẹjọ sun ni agbegbe Agbabu nipinlẹ Ondo.
Agbẹnusọ Ileeṣẹ ọlọpaa nipinlẹ Ondo, Funmilayo Odunlami to fi idi iṣẹlẹ naa mulẹ ni pasitọ ọhun jẹwọ pe lootọ ni oun ṣe aṣemaṣe naa.
Arabinrin Odunlami ni pasitọ naa lọ si ilu Agbabu lati ipinlẹ Ọyọ lati lọ ṣe isọji agbaiyanu nibẹ ti ọpọ ero si pe jọ.
- Wọ́n ti ń bèrè lọ́wọ́ abúrò ọkọ mi pé èlò ni wọ́n fẹ́ gbà, ẹ ṣàánú wa o! - Ìyàwó Timothy tó kú sí Hilton Hotel Osun figbe ta
- Wọ́n lù mí bíi ẹní máa kú, wọ́n ya aṣọ mọ́ mi lọ́rùn nílé Princess kí n tó dé àgọ́ ọlọ́pàá - Baba Ijesha
- Ìkúnlẹ̀ abiyamọ ò! Wo bí arábìnrin yìí ṣé bínú dá omi gbígbóná s'ará ọmọ ọ̀dọ̀ rẹ̀
Lasiko isoji naa ni pasitọ ni ẹmi mimọ kọ si oun pe obinrin oloyun naa ni ẹmi esu pe ki o si tẹle oun lọ gbadura lati yọ ẹmi buruku naa kuro ninu rẹ.
Arabinrin oloyun naa to jẹ ẹni ọdun mejilelogun lo tẹle pasitọ wọ yara to wa ni ''mission house'' to si fi ipa ba a lọpọ.
Pasitọ lasiko to n wi ti ẹnu rẹ fun awọn oniroyin ni ko fi igba kankan sọ wi pe oun ko jẹbi ẹsun naa, amọ o ni oun ko mọ nkan to gbe oun wọ lati hu iru iwa bẹẹ.
O ni wi pe oun ti ba obiinrin naa lopọ tan ki iye rẹ to sọ pe iwa buruku ni oun ṣẹṣẹ wọ tan.
- Lẹ́yìn Titi Masha, Kwam 1 gbé ìyàwó tuntun, Emmanuella Ropo l'Abeokuta, bó ṣe lọ rèé
- Gbas-gbos ti ń wáyé ṣáájú ìdìbò sí ipò gómìnà Osun, kí ló ń ṣẹlẹ̀ láàrín Aregbesola, Oyetola?
- Buhari ti sọ̀rọ̀ sókè lórí àbájáde ìwádìí EndSARS, ilẹ̀ Amẹ́ríkà sì ti fun lésì
- Àwọn alamí ìjọba kan ti wà láàrín àwa ajìjàgbara Yoruba Nation tó ń bínú pé Sunday Igboho ti ga ju àwọn lọ - Akintoye
Pasitọ naa ni o dabi ẹni pe ẹmi ẹsu gbe oun wọ, amọ oun ti oun le e sọ ni pe oun ko mọ bi iṣẹlẹ naa ṣe waye afi igba ti oun pari ifipabanilopọ naa.
Agbẹnusọ ọlọpaa naa wa fikun un pe awọn n gbe pasitọ James naa lo si ileẹjọ ni aipẹ lati foju wina ofin lori ẹsun ifipabanilopọ naa.
