Ire Poly Student: Akẹ́kọ̀ọ́ Poly kú l'Osun "lẹ́yìn tó ti ilé ọ̀rẹ́kùnrin rẹ̀ dé
Oríṣun àwòrán, Osunpoly
Iroyin to tẹ wa lọwọ lati ipinlẹ Osun sọ pe akẹkọọbinrin kan nile ẹkọ gíga gbogbonṣe to wa ni ilu Iree ti dero ọrun, lẹyin to ṣe abẹwo sí ile ọrẹkunrin rẹ.
Akẹkọọ naa ti wọn pe orukọ ni Wumi, ni a gbọ pe o bẹrẹ si ni pọ ẹjẹ ati itọ lẹnu lẹyin to pada de lati ile ọrẹkunrin rẹ.
Iroyin sọ pe wọn gbe akẹkọọ naa digba digba lọ si ile iwosan to wa nitosi amọ ile iwosan ko gba a nigba ti wọn ri bi o ṣe n ṣe.
Àwọn iròyin tì ẹ leè ní ìfẹ̀ síí:
- Àwọn agbébọn kọlu ilé adarí Ilana Omo Oodua Ọ̀jọ̀gbọ́n Akintoye l'Ado-Ekiti
- Àṣírí ti tú,kà nípa bí ìyàwó ilé ṣe lẹ̀dí àpọ̀ pọ̀ pẹ̀lú àwọn tó fẹ́ jí ọkọ rẹ̀ gbé
- A gbọ́ ohùn bí àwọn ènìyàn tó há sí abẹ́ ìlé alájà 21 ṣe ń kérọrà fún ìrànwọ́ – NEMA
- Wòlíì kan fún òṣèré tíátà ní miliọnu mẹ́fà náírà láti fi tọ́jú àìsàn rẹ̀
- Ẹgbẹ́ TAMPAN ló mú kí ìjọba gbógun ti orísùn ọrọ̀ ajé mi - Yomi Fabiyi figbe ta
- Fulani darandaran kò ṣe lè ní Kwara, wọ́n pọ̀ ju ọmọ onílùú lọ
Wumi ni a gbọ wí pe o jẹ Ọlọrun nipe ni irọlẹ ọjọ Abamẹta to kọja, ki wọn to gbe e dé ile iwosan mii.
Agbẹnusọ ile ẹkọ giga gbogbonṣe ilu Iree, Tope Abiola to fidi iṣẹlẹ ọhun múlẹ ṣalaye pe ọrẹkunrin akẹkọọ naa kii ṣe ọmọ ile ẹkọ ọhun.
Ọgbẹni Abiola ṣalaye pe ko sí ẹni to mọ ohun to ṣe okunfa iku ọmọbinrin naa titi di akoko yii.
O ni ileeṣẹ ọlọpaa si n ṣe iwadii lori iṣẹlẹ naa.
Ọgbẹni Abiola ni ipele akọkọ (ND 1) ni akẹkọọ naa wa nibi to ti n kẹkọọ nipa iṣẹ akọroyin.
Ṣugbọn akẹkọọ kan to ba awọn akọroyin sọrọ fidi rẹ múlẹ pe ọmọ ile ẹkọ naa ni ọrẹkunrin rẹ n ṣe.
Akẹkọọ ọhun fikun ọrọ rẹ pé awọn ọlọpaa ti mu ọrẹkunkunrin Wumi lẹyin iku rẹ.
O ni wọn ti gbe oku Wumi lọ sí mọṣuari niluu Ikirun bayii.
Ẹwẹ, agbẹnusọ ileeṣẹ ọlọpaa ipinlẹ Osun, Yemisi Opalola ni iwadii ti bẹrẹ lori iṣẹlẹ naa.
