Ogun rape: Bàbá ọdún 52 fi ipá bá ọmọ rẹ̀ ọdún mẹ́wàá lòpọ̀
Oríṣun àwòrán, Getty Images
Ọkunrin kan, Kayode Adeniyi ẹni ọdun mejilelaadọta tim ko si gba ọlọpaa lọri ẹsun pe o fipa ba ọmọbinrin rẹ lopọ.
Agbẹnusọ ileeṣẹ ọlọpaa ipinlẹ Ogun, Abimbola Oyeyemi, sọ ninu atẹjade kan to fi sita pe ọwọ tẹ ọkunrin naa lẹyin tawọn kan mu ẹjọ rẹ wa si agọ ọlọpaa to wa lagbegbe Agbado.
Ẹgbọn mọmọ ọmọdebinrin naa to jẹ ọmọ ọdun mẹwaa lo mu ẹjọ naa lọ si agọ ọlọpaa.
- Mo bẹ Baba Ijesha wò l‘àhámọ́, ẹ́ gbọ́ wirínwirìn ọ̀rọ̀ nílé ẹjọ́ - Yomi Fabiyi
- Wo àwọn olówó ayé tí ìgbéyàwó wọn ti wó lulẹ̀
- Ayé ń pè wá ní 'Yeyebrity' torí ọ̀rọ̀ Baba Ijesha, nǹkan bà wá lágbo tíátà Yoruba"
- "Ṣé ẹ léró pé ọmọ mi ṣì lè padà wá bá mi láàyè báyìí? Òbí akẹ́kọ̀ọ́ Kaduna
- Tóo bá ní ìmọ̀ nípa ǹkan, ran àwọn tí kò ní ìmọ̀ lọ́wọ́ láti mọ̀ - Yomi Fabiyi
- Kí ni àwọn Mùsùlùmí máa ń ṣe ní alẹ́ ọjọ́ 10 tó gbẹ̀yìn àwẹ̀ Ramadan?
Ẹgbọn mọmọ ọmọdebinrin naa ṣalaye fawọn ọlọpaa pe baba ọmọbinrin ọhun fi ipa mu un wọle nibi to ti fi pilo di i lẹnu ki o to fi ipa ba a lopọ.
Lẹyin naa ni a gbọ pe DPO, CSP Kehinde Kuranga ran awọn ọlọpaa lọ sibẹ nibi ti wọn ti fi ọwọ ofin mu ọkunrin naa.
Agbẹnusọ fun ileeṣẹ ọlọpaa ṣalaye siwaju si Ọgbẹni Adeniyi jẹwọ pe lootọọ loun fi ipa ba ọmọ naa lopọ.
O ni ọkunrin naa jẹwọ ọbẹ loun fi ṣẹru ba ọmọdebinrin ọhun latii rii pe oun ba ni sun ni tipa.
Ọgbẹni Oyeyemi sọ pe iwadii fihan pe ọkunrin naa ti maa n fipa bawọn ọmọbinrin mẹta lopọ ki ọwọ palaba rẹ to segi bayii.
Ẹwẹ, kọmiṣọnna ọlọpaa ipinlẹ Ogun, Edward Ajogun ti paṣẹ pe ki ajọ to n ri si ọrọ ẹbi tẹwọgba ẹjọ naa.
