Oyo 2021 Appropriation Bill: Makinde takú mọ́ àwọn aṣòfin lọ̀wọ̀ pé òun kò fẹ́ ìṣúná gbèsè
Oríṣun àwòrán, Facebook/Seyi Makinde
Yoruba ni ohun ti yoo ba dara nigbẹyin, o lee kọkọ wọ nibẹrẹ.
Bẹẹ ni ọrọ ri lori aba eto isuna ipinlẹ Oyo fọdun 2021, eyi to fa ede aiyede laarin gomina Seyi Makinde ati ile asofin ipinlẹ Oyo.
Bẹẹ ba gbagbe, ọjọ Kẹrindinlọgbọn osu Kọkanla ọdun 2020 ni Makinde gbe aba isuna ọdun to n bọ kalẹ siwaju awsn asofin lati yiiri wo, ki wọn si fontẹ lu.
Àwọn iròyin tì ẹ leè ní ìfẹ̀ síí:
- Ta ni obìnrin tó fẹ́ bá Dino Melaye ṣe ìgbéyàwó lọ́jọ́ kejì Kérésì?
- Ọmọ Risikat olójú búlúù méjèéjì jẹ̀bùn oríire àti ìfà ńlá
- Ẹ má bínú pé mo kọ́kọ́ ní akẹ́kọ̀ọ́ mẹ́wàá péré ni wọn kó nílé ìwé Kankara - Garba Shehu
- Àìmọ̀kan ló mú mi hu ìwà tí mo hù kọjá sẹ́yìn, Jonathan dárí jì mí - Dino Melaye
- Ẹ́ tú èékánná lọ́rùn Sowore, ẹ kò ní ẹ̀rí láti ba ṣẹjọ́ - Ẹgbẹ́ Amòfin Amẹ́ríkà
- Irú iṣẹ́ wo ní Funke Akindele rán sí Bukunmi Oluwasina, tó fa ariwo lórí ayélujára?
- "Buhari, o kò ṣe bẹbẹ kankan láì jẹ́ pé o gba Leah Sharibu náà sílẹ̀"
- Wo àwọn nǹkan to tún nílò NIN fún yàtọ̀ fún ìforúkọsílẹ̀ síìmù
Apapọ owo aba isuna naa ni biliọnu lọna ọrinlerugba o din mẹwa naira (N266bn), tijọba si n reti abọ ile asofin lori rẹ.
Oríṣun àwòrán, Facebook/Seyi Makinde
Amọ, iwadi BBC Yoruba fihan pe ariwo sọ laarin gomina Makinde ati awọn asofin naa lẹyin ọjọ diẹ lori aba isuna ọhun.
Idi ni pe iwadi BBC fidi rẹ mulẹ pe ile asofin fi awọn akansẹ isẹ kan sinu aba isuna naa, eyi ti owo rẹ to biliọnu mẹwa naira, ti apapọ owo aba isuna naa si fo soke lọ si biliọnu lọna ọrinlerugba o din meje naira (N273bn).
Sugbọn igbimọ ile asofin to wa feto isuna, ninu awijare rẹ ni, ile ti fi aaye silẹ fun ẹka alasẹ lati gba owoya fi gbọ bukata aba isuna ọhun, eyi to mu ki aba isuna naa ga soke.
Oríṣun àwòrán, Facebook/Seyi Makinde
Ile asofin ni kii se pe awọn de idi fun aba isuna naa, tabi fi owo kun, eyi ti yoo bọ sapo awọn.
Amọ Gomina Makinde la gbọ pe o fi apa janu pe nibo ni oun yoo ti ri alekun biliọnu mẹwa naira lati fi gbọ bukata isuna ọhun lasiko ọda owo to n ba ilẹ wa finra yii.
Gomina Makinde ni oun ko fẹ ki owo isuna ọdun 2021 naa ga soke debi pe yoo nira lati gbọ bukata rẹ, eyi to le mu alekun ba gbese to wa lọrun ipinlẹ Oyo.
Amọ lẹyin o rẹyin, ile asofin ati ẹka alasẹ ipinlẹ Oyo fi ọgbọn agba yanju ede aiyede naa, to si yanju nitubi n nubi.
Igun mejeeji si lo pada gba pe ko ni dara ki wọn se agbekalẹ isuna fọdun to n bọ ti yoo nira lati se amusẹ rẹ, tile asofin si yọ owo gbese to ni oun fi sori aba isuna ọhun, eyi to mu ko ga soke.
Lẹyin o rẹyin, ile asofin Oyo fontẹ lu aba isuna ọdun 2021 naa, eyi ti apapọ owo rẹ jẹ biliọnu lọna ọtalerugba naira o le mẹjọ (N268bn).
