Kemi Afolabi on Lupus: Wo bí Kemi Afolabi ṣe ń dúpẹ́ lọ́wọ́ àwọn tó ti kàn síì pẹ̀lú owó ìtọ́jú àìsàn Lupus

"Okun ati agbara mi ti pada mo si ṣetan lati ja fita-fita".

Eyi ni ọrọ to ya ni lori to tun jade lẹnu gbajugbaja oṣere lẹyin igba to jade lati sọ faraye nipa ohun to ti n gbe sabẹ aṣọ latọjọ yii pe aisan to n ṣe oun fẹ mu ẹmi ohun lọ laarin ọdun marun si isinsinyii.

Ninu ọdun marun yii gẹgẹ bi Dokita rẹ ṣe sọ fun un lo tun ni oun ti lo ọdun kan ninu rẹ bayii.

Ọwọ́ tẹ Pásítọ̀, afurasí tó ń ní ìbálòpọ̀ pẹ̀lú àwọn búrọ́dà ṣọ́ọ̀sì mẹta láti ìdí ẹ̀yìn

Iroyin yii jẹ eyi to ja ọpọlọpọ eeyan laya ni tori ko yatọ si ọrọ eeyan to ti gbọ deeti ọjọ iku rẹ.

Lati igba naa ni ọpọlọpọ eeyan ti n gbohun adura soke fun Kemi ti awọn mii si ni ko ma bẹru rara tori Dokita kọ lo ni idajọ lọwọ bikoṣe Ọlọrun olodumare.

Wo àwọn nǹkan tó le fa lupus - àìsàn tó ń bá Kemi Afolabi fínra

Wo ọmọ Yorùbá mẹ́ta àti gbajúmọ̀ míì tó ní Lupus, àrùn tó n bá Kemi Afolabi fínra

Wo àwọn òṣèré tíátà tó ti fún Kemi Afolabi lẹ́bùn àtàwọn tó ń kíi lẹ́yìn tó kéde àìsàn rẹ̀

Koda, oniruuru imọran lo ti n jade si Kemi Afolabi ati latọdọ ẹni to mọ ọ ri o atni ti ko mọ ọ ti wọn gbọ iroyin naa.

Bí ẹ ko ba gbagbe, lori eto gbajugbaja sọrọ sọrọ ori ayelujara kan, Chude Jideonwo ni ọrọ ipo ilera Kemi yii ti burẹkẹ ti gbogbo aye gbọ to n fi omije sọrọ nipa gbogbo ilakọja rẹ ati iye owo to n tu jade ni gbogbo igba fun itọju aisan yii.

Igba naa ni Kemi fọhun sita pe Dókítà ní ọdún márùn-ún ló kù fún mi láyé, mo sì ti lò lára rẹ̀ - Òṣèré Kemi Afolabi

Ẹwẹ, gbajugbaja oṣere naa ti n fi ẹmi imoore han si awọn ọmọ Naijiria fun ifẹ wọn, ati awọn akẹgbẹ rẹ fun iranwọ owo ti wọn n ṣe fun un.

Lati igba ti Kemi tun ti di eeyan ti wọn mọ sii nitori ohun to n la kọja, awọn ọmọ Naijiria rọjo ifẹ lee lori ti wọn si n fi ifẹ han sii lati jẹ ko gbe ero yii kuro lọkan rẹ ati lati mu ẹru rẹ fuyẹ lori owo to n na lati ra oogun lọsọọsẹ.

Koda, wọn ti ṣi oju opo ayelujara kan ti awọn ẹlyinju aanu to ba fẹ ṣeranwọ lee fi owo ranṣẹ sii fun.

"Mo dupẹ pupọ fun ifẹ ti fi han mi, o pọ gan, igboya mi ṣi wa, agbara lati ja fun aye mi si ti pada lagbara sii, mo dupẹ fun itọju, atilẹyin, aduroti, bibeere mi.

Ẹ ṣe mo dupẹ, Ọlọrun alagbara ko ni jẹ ki aisan jẹ ipin yin". Kemi sọ eyi ninu fidio naa.

Ṣaaju ni Kemi Afolabi fi sita loju opo rẹ pe Ẹ gbà mi o, àwọn oníjìbìtì ayélujára ti ń bèèrè ìrànwọ́ lórúkọ́ mi - Kemi Afolabi lọgun lati fi maa lọ awọn eeyan lọwọ gba nitori ailera rẹ to si ki awọn ṣọra fun wọn ki wọn si ba oun fi ẹjọ wọn sun.

Ninu fidio kan ti o jade loju opo akẹgbẹ rẹ, toyin Abraham ni Kemi Afolabi ti n fi ọrọ idupẹ sita ti Toyin Abraham naa si n sọ fun awọn ololufẹ rẹ pe wọn a ranti pe oun ti dapọ biba eeyan tọrọ owo lori ayelujara duro tipẹ "amọ́ eleyi, mo ni láti ṣe e fun ọrẹ mi, arabinrin mi ati akẹgbẹ mi, Kemi Afolabi.

Bakan naa ni awọn oṣere mii naa ti bẹrẹ si ni fi fidio idupẹ rẹ ọhun sita bii Mercy Aigbe, Odunalade Adekola atawọn mii.

Olúwa mi, kò tọ́ ká bẹ ẹ̀ṣẹ̀ ọmọ wò lára baba; Ẹ ṣọ́ra fún ọ̀rọ̀ àwọn èèyàn lórí ayelujára o!- Agbẹjọ́rò Ramon Adedoyin

Nigeria vs Ghana: Ta ní yóò borí nínú ìfẹsẹ̀wọnsẹ̀ Kumasi?

Ọkùnrin kan fípa bá obìnrin tó sùn sẹ́gbẹ̀ẹ́ ọkọ rẹ̀ lòpọ̀! Wo bí gbẹgẹdẹ ṣe gbiná

Ìdìbò àwọn adarí ẹgbẹ́ APC yóò wáyé ní Sátidé, wo àwọn ọmọ Yorùbá tó ń díje