Nnamdi Kanu: Garba Shehu ní aráàlú kò ti IPOB lẹ́yìn, ariwo àti ẹ̀hónú ori ayélujára lásán ló ń ṣe
Oríṣun àwòrán, Getty Images
Ileesẹ aarẹ lorilẹede Naijiria ti kede pe bi wọn se n ba Nnamdi Kanu se ẹjọ, ẹni tii se asaaju ikọ to n pe fun idasilẹ orilẹede Biafra, IPOB, ni yoo fopin si igbesẹ ijijagbara ọhun.
Garba Shehu, agbẹnusọ fun Aarẹ Muhammadu Buhari lo kede bẹẹ pẹlu afikun pe awọn eeyan ẹkun ila oorun Naijiria ko se atilẹyin fun iwa ijijagbara ti Kanu n hu.
Shehu ni awọn gomina ati awọn asofin lẹkun ila oorun Naijiria gan ko gba ti ẹgbẹ IPOB ati awọn igbesẹ fun iyapa Naijiria ti wọn n gbe.
- Olórí àwọn ọlọ́dẹ Oyo tú iṣu dé ìsàlẹ̀ ìkòkò bí àádọta agbébọn ṣe kọlu ọgbà ẹ̀wọ̀n Abolongo
- Agbébọn ya wọ ṣọ́ọ́ṣì lásìkò ìṣọ́ òru l‘Ogun, wọn jí èèyàn mẹ́ta gbé lọ
- “Ẹkùn Àríwá rí sáà ìṣèjọba Buhari bíi àdánù ní wọn ṣe tako pínpín ipò ààrẹ”
- Pásítọ̀ Olatokunbo Shonubi wọ gàù ní US lórí ẹ̀sùn ṣíṣe ayédèrú ìgbéyàwó 38 fáwọn àjèjì àti ọmọ onílùú
- Ọmọ ''Mummy Calm Down'' di òṣèrè tíátà láti kékeré
- Ṣé lóòtọ́ ni Iskilu Wakili, Balógun Fulani wà lára àwọn ẹlẹ́wọ̀n tó sálọ ní ọgbà ẹ̀wọ̀n Abolongo l'Oyo?
- Èèyàn mẹ́ẹ̀dọ́gbọ̀n jóná níbi ìṣẹ̀lẹ̀ ọ̀pá epo tó fọ́ ní ìpínlẹ̀ Rivers
- Olórí ìgbìmọ̀ aláṣẹ́ tó ga jù ní Sudan, Ọ̀gágun Burhan ti kéde ìlú ò fararọ
- IPOB kéde kónílé-ó-gbélé ọ̀sẹ̀ kan lásìkò tí ìdìbò gómìnà Anambara yóò wáyé
Garba Shehu sisọ loju ọrọ yii nigba to n fesi si ariwisi ti iwe iroyin atigbadegba kan, The Economist, to wa nilu London sọ nipa Aarẹ Buhari.
Atẹjade kan ti Garba Shehu fi sita loju opo Facebook rẹ lo ti sọ pe ijọba apapọ ti n gbe igbesẹ to yẹ lati ri pe gbogbo agbaye mọ ikọ IPOB bii ẹgbẹ adunkookomọni.
"Ni ẹkun Ila oorun guusu Naijiria, ikọ IPOB, ti iwe iroyin The Economist, sapejuwe rẹ bii eyi ti ko mọ ohun to n se, ni opin ti n de ba pẹlu bi wọn se mu asaaju rẹ.
"Ijọba yii lo ti n fi aayan kun aayan rẹ lati ri daju pe awọn alatilẹyin wa nile ati lẹyin odi lẹ orukọ ẹgbẹ adunkookomọni mọ IPOB lara."
Shehu sọ pe igbesẹ yii yoo fi opin si awọn anfaani owo ilẹ okeere to n ri gba, ti yoo si fopin si ijijagbara rẹ.
O ni ariwo ati ẹhonu lasan ti ikọ IPOB n se lori ayelujara ko se afihan pe awọn araalu n ti lẹyin.
"Gbogbo awọn gomina ti wọn dibo yan, awọn oloselu atawọn asofin ipinlẹ lẹkun ila oorun guusu, nibi ti IPOB ni oun ti wa, lo ti kẹyin si patapata."
