Local barbers vs Clipper: Ó pé mi láti lo abẹ fi fá orí mi ju "Clipper" bábà lọ

"Orí mi yóò dá kogbá kogbá lọ́dọ̀ àwọn fárífárí alábẹ, mi ò lè láyé láyé lo "clipper", bó ṣe owó gbọbọi, mo ṣe tán".

Aye atijọ la mọ pe wọn maa n fi abẹ fa ori amọ aṣa yii la ri pe o 'si tun wa laye ode oni ti ọpọ si yan lati maa lọ sọdọ awọn farifari alabẹ ju ki wọn lọ sọdọ awọn to n lọ ẹrọ igbalode fi bani gẹrun.

BBC Yoruba ba awọn alabẹ yii atawọn onibara wọn joko ti wọn si sọ idi ti wọn o file lọ si ṣọọbu oni "clipper" rara.

"Awọn mii wa to jẹ pe gbogbo ori wọn maa kun fun murumuru, latigba ti emi ti n wa sọdọ awọn alabẹ, ko si iru nkan to jọ bẹẹ".

Iṣẹ to jẹ ọkan lara awọn iṣẹ aye atijọ nilẹ Yoruba yii ko fibẹẹ wọpọ lode oni tori imọ igbalode. Ọpọ awọn to n lọ sibẹ gbagbọ pe ọna atijọ ni amọ o tẹ awọn lọ run.

"Mi o wo ti owo rara, ti wọn ba fẹ gba ẹẹdẹgbẹrun naira, mo ṣe tan, mo maa n fẹ ki ori mi dan gbiinrin ko maa tan bii digi, ibi ni mo si ti le rii ṣe".

Ọkan lara wọn tilẹ jẹ ko di mimọ pe wọn o ki n ṣe nkan idọti rara. "Bileedi kan fun eeyan kan ni, wọn o si sọọnu bi wọn ba ṣe tan".

O ni oun tun fẹran gbogbo oogun apakokoro ti wọn maa n fi pa ori awọn ti wọn ba gẹrun fun.

amọ ko sohun ti ni didaa ti ko ni aidaa tirẹ, wọn ṣi mẹnu ba ọrọ imọtoto.