Ìjọba ìpínlẹ̀ Oyo: Oṣú mẹ́fà ni òṣìṣẹ́ ìjọba tó bá bímọ yóò máa lò nílé kó tó wọṣẹ́ padà- Seyi Makinde

Oṣu mẹfa ni oṣiṣẹ ijọba to ba bimọ yoo maa lo nile ki o to wọṣẹ pada-Kọmisọnna Oyo

Ijọba ipinlẹ Oyi ti buwọlu fifun awọn aboyun lẹnu iṣẹ ijọba laaye oṣu mẹfa lati duro nile tọju ọmọ lẹyin ti wọn ba bimọ tan.

Kọmisọnna to n moju to eto idasilẹ ati ikọni ọjọgbọn Daud Sangodoyin, lo sọ eyi di mimọ nilu Ibadan lasiko to n ba awọn akọroyin sọrọ lori abajade ipade igbimọ alasẹ ijọba ipinlẹ Oyo.

Gẹgẹ bi Sangodoyin se sọ, igbesẹ igbimọ alasẹ ijoba lori ọrọ yii wa ni ibamu pẹlu ajọ isokan agbaye lori ọrọ ilera WHO nitori pe o pọn ni dandan lati fun ọmọ lọyan fun odidi osu mẹfa lai si amulumala.

O wa fi kun pe igba mẹrin ni osiṣẹ ni ore ọfẹ lati gbaaye ibimọ yii lẹnu iṣẹ ijọba ipinlẹ Oyo.

Kọmisọnna salaye pe ile lilọ ni aago meji fun awọn ọlọmọ wẹwẹ ko ni waye mọ ti wọn ba ti wọ iṣẹ pada lẹyin osu mẹfa.