Коронавирус: Европа Иттифоқи очилмоқда, дунёда ўлганлар сони ярим миллиондан ошди - Koronavirus
Сурат манбаси, Getty Images
Европа Иттифоқи 1 июлдан 14 давлат фуқароларининг ўз ҳудудига киришларига рухсат бермоқда.
Ушбу рўйхатда Россия, АҚШ, Хитой ва Бразилия йўқ.
Собиқ совет давлатларидан фақат Грузия фуқароларининг киришига рухсат берилган.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Европа Иттифоқи назарида коронавирус тарқалиши нуқтаи назаридан "хавфсиз" деб кўрилган мамалакатлар қуйидагилар:
Жазойир, Австралия, Канада, Грузия, Япония, Марокаш, Янги Зеландия, Руанда, Сербия, Жанубий Корея, Тайланд, Тунис, Уругвай.
Рўйхатга ҳали ўзгартириш киритилиши мумкин, унинг ҳар икки ҳафтада кўриб чиқилиши билдирилган.
Дипломатик манбаларга кўра, Хитой хавфсиз давлатлар рўйхатига киритилиши мумкин, аммо бунинг учун Пекин ҳам Европа Иттифоқи фуқароларига худди шундай ҳуқуқни бериши керак бўлади.
Буюк Британия Европа Иттифоқилан чиққан, аммо жорий йил охиригача бўлган ўтиш даврида Евроиттифиқ билан умумий сиёсатни сақлаб қолади. Шунинг учун ҳозирча Британия фуқаролари ҳам ЕИ фуқаролари фойдаланадиган ҳуқуқлардан фойдаланади.
Ярим миллион ўлим, 10 миллион бемор
Айни пайтда дунёда коронавирусдан ўлганлар сони ярим миллиондан ошган.
Covid-19га чалинганлар 10 миллиондан кўпроқни ташкил этмоқда.
Касаллик энг кўп Лотин Америкаси давлатлари ва Хиндистонда тарқамоқда.
Сурат манбаси, EPA
Душанба куни Ҳиндистон расмийлари 19 мингта янги ҳолат қайд этилганини айтишган, охирги 24 соат ичида 380 бемор вафот этган.
Америка карантинга қайтмоқда
АҚШнинг 30 та штатида коронавирус инфекцияси юқтириш ҳолари ўсишда давом этмоқда.
Эпидемия маркази мамлакатнинг жануб ва ғарбига кўчган.
Энг кўп зарарланиш Техас, Аризона, Флорида, Жанубий Каролина ва бошқа штатларда кузатилмоқда.
Янги ҳолатларнинг кўпайиши пандемия билан боғлиқ қатр чекловларнинг бекор қилиниши ортидан бошланган.
Техас штати губернатори Грег Эбботтнинг айтишича, охирги суткада 5 мингга яқин инсон касалхоналарга ётқизилган.
У вирус тарқалиши "тез ва хавфли" кўриниш касб этганини айтган.
Айни пайтда коронавиурсдан энг кўп жабр кўрган Нью Йоркда вазият тобора яхшиланаётгани хабар қилинади.
Хитойда Пекин яқинидаги Ансин туманида (Хэбэй вилояти) коронавирусдан зарарланиш билан боғлиқ 12 ҳолат қайд этилиши ортидан қаттиқ карантин жорий қилинган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
