Англия: Юк машинаси ичида 39 одамнинг жасади чиқди
Англиянинг Эссекс графлигида ичида 39 одамнинг жасади бор юк машинаси топилди. Машина Грейсдаги саноат ҳудудига турган бўлган. 25 яшар ирландиялик юк машина ҳайдовчиси қотилликда гумон қилиниб ҳибсга олинди.
Ҳалок бўлганлар борасида фақатгина уларнинг 38 нафар эканлиги ва орасида бир нафар ўсмир ҳам борлиги маълум.
Маҳаллий полиция департаменти офицери Эндрю Маринер ўлганларнинг кимлигини аниқлаш узоқ вақт олиши мумкинлигини айтди.
Эссекс полициясининг айтишича, машина Болгариядан келаётган бўлган ва якшанба куни Британияга кириб келган.
Сурат манбаси, PA Media
"Бўлиб ўтган ҳодиса юзасидан гумон қилиб ҳайдовчиини ҳибсга олдик. Суриштириш ишлари давом этмоқда", деди Маринер.
Юк машинаси атрофи полиция кардони билан ўраб олинган.
Полиция оммавий ўлимга нима сабаб бўлганлиги ҳақида тахминларини айтмади.
Британия Бош вазири Борис Жонсон ушбу фожиадан даҳшатга тушганини билдирди.
"Сўнгги маълумотларни олиб турибман ва Ички ишлар вазирлиги Эссекс полицияси билан яқиндан ишламоқда. Нима бўлганини аниқлаштирамиз. Ҳаётлари ва яқинларини йўқотганлар учун чуқур қайғудаман", деди у.
2000 йилнинг июнь ойида юк машинасидан 58 нафар хитойлик мигрантнинг жасади чиққан эди.
Англиянинг Довер шаҳрида бўлган ушбу ҳодисада икки мигрант омон қолган.
Ҳодиса юзасидан бир йилдан сўнг голландиялик ҳайдовчи қасддан қилинмаган жиноятда айбланиб қамалган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
