Нидерландия Утрехтида трамвай йўловчиларига ўт очилди, уч киши ҳалок бўлган
Сурат манбаси, @PolitieUtrecht / Twitter
Нидерландиянинг Утрехт шаҳрида трамвай ичида йўловчиларга қарата ўт очилгани оқибатида уч инсон ҳаётдан кўз юмган, тўққиз киши жароҳатланган.
"Бизнинг мамлакатимиз бугун ҳужумдан ларзага келди. Полиция ва прокурорлар нима рўй берганини ўрганмоқда. Биз билганимиз - трамвайда ўтирган ўтирган одамларга қарата ўт очилган", деб айтган Нидерландия Бош вазири Марк Рутте.
"Биз террорчилик мотивини истисно қилолмаймиз", деб айтган Нидерландия Аксилтеррор мувофиқлаштирувчиси Петер-Яап Аалбесберг журналистлар билан матбуот анжуманида.
Унинг айтишича, отишма бир неча жойда содир этилган, бироқ у жойлар номини очиқламаган.
Аксилтеррор полицияси трамвайдаги ҳужум рўй берган жойга яқин бир уйнинг атрофини ўраб олган.
Бироқ, мухбирларнинг хабар қилишларича, ҳеч ким қўлга олинмаган.
Полиция одамларни ўзига яқинлашмаслик ҳақида огоҳлантирган 37 яшар Турк Гокмен Танис исмли шахсни қидираётгани ҳақида хабар тарқатди.
Қуролли ҳужумчини қидириб топиш мақсадида хавфсизлик чоралари кучайтирилган, мактаблар ёпилган.
Сурат манбаси, EPA
Бутун Утрехт вилояти бўйича таҳдид даражаси энг юқорига кўтаришга қарор қилинган. Бу хавфсизлик чоралари ўта кучайтирилган ҳолатни англатади.
Утрехт Университетининг барча бинолари ёпилган.
Шаҳар марказида трамвайларнинг ҳаракатларини тақиқланган.
Одамларга биноларнинг ичкарисидан ташқарига чиқмаслик буюрилган, аэропортлар ва масжидларни қуролли полиция ходимлари қўриқлай бошлаганлар.
Утрехт Нидерландиянинг тўртинчи йирик шаҳри ҳисобланади, аҳолисининг 340 минг кишини ташкил этади.
Мухбирларга кўра, шаҳарда жиноятчилик даражаси паст, қуролли қотилликлар бутун мамлакатда бўлгани каби Утрехтда ҳам камдан-кам кузатилган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
