Трамп: "Саммитда Путин ва мен яхши гаплашдик"

АҚШ Президенти Дональд Трамп Вьетнамда ўтган Осиё-Тинч океани иқтисодий ҳамкорлиги саммитидаги қисқа учрашувлар давомида Россия раҳбари Владимир Путин билан "яхши мулоқот" қилганини айтди.

Twitter орқали у икки давлат ўртасидаги илиқ муносабатларни қўлламайдиган "кўролмайдиганлар ва аҳмоқлар"га қарши "портлаган".

Олдинроқ у Путин унга АҚШдаги 2016 йилги сайловга Россия аралашган деган айбловлардан ранжиганини айтганди.

АҚШ истиҳборот хизматлари бироз аввал Россия сайловда Трамп фойдасига ўз таъсирини ўтказган деган хулосага келганди.

"У бизнинг сайловга умуман аралашмаганини айтди", - деган Америка Президенти.

Шунга қарамасдан у тинимсиз танқидлардан сўнг АҚШ истиҳборот агентликларининг хулосасини қўллашини билдирган. "Менинг уларга ишониш ёки ишонмаслигмига келсак, мен агентликларимиз биланман. Мен истиҳборот агентликларимизна ишонаман", деган у.

У Россия аралашмаганига Путин ишонишини таъкидлаган.

Осиё-Тинч океани иқтисодий ҳамкорлик ташкилоти ўтказган саммитда икки Президент расмий музокаралар ўтказмаган, бироқ уч ҳолатда учрашган. Улар Трампга кўра, Сурия инқирози, сайловдаги аралашувлар ҳақида гаплашишган.

Трампнинг ашаддий танқидчиси Респубикачи сенатор Жон Маккейн "Америка истиҳборот хизматалари гапи ўрнига КГБ полковнигининг сўзларига ишонгани" учун Президентни "содда, гўл" деган.

Марказий Разведка бошқармаси Путиннинг сўзларидан сўнг бошқарманинг сайловга Россия аралашгани ҳақидаги фикри ўзгариб қолмаганини билдирди.

Трамп ўз твитларида олдинги Президент Обамада Путин билан чиқишиб кета олмаганини ёзган.