Тошкент шаҳри ташқарисида кучли портлаш ва ёнғин

Ёнғин шаҳарнинг узоқ бурчакларида ҳам кўринган

Сурат манбаси, BBC World Service

Сурат тагсўзи, Ёнғин шаҳарнинг узоқ бурчакларида ҳам кўринган

Тошкентнинг “Роҳат” кўли яқинида йирик портлаш рўй берган.

Ҳодиса кечки соат 21 ларда содир бўлгани айтилмоқда.

Би-би-си билан алоқада бўлган тошкентликлар “Роҳат”дан бир неча чақирим узоқликда ҳам портлаш зарби сезилганини айтишган.

Ижтимоий тармоқлардан

Сурат манбаси, BBC World Service

Сурат тагсўзи, Ижтимоий тармоқлардан

"Осмон бирданига ёришиб кетди, ҳамма кўчага чиқди", дейди тошкентликлардан бири.

Газета.уз нашри Фавқулодда Ҳолатлар вазирлигидаги навбатчининг портлаш сабаби маълум эмаслиги, ҳозирда айни ҳодиса ўрганилаётганини айтгани ҳақида ёзган.

Айрим хабарларда, ижтимоий тармоқларда портлаш ва ёнғин магистрал газ қувурида, бошқаларида эса автомобилларга газ солиш шаҳобчасида содир бўлгани айтилади.

Одамлар ҳодиса жойига кўп сондаги ўт ўчириш ва тез тиббий ёрдам автомобиллари ўтиб кетганини кўрган.

Йўллар тўсилган ва ёнғин саҳнига ҳеч ким қўйилмаяпти.

Skip Энг кўп ўқилган and continue reading
Энг кўп ўқилган

End of Энг кўп ўқилган

Гувоҳлардан бири, атроф тез ёрдам, ўт ўчириш ва милиция машиналарига тўлиб кетганини айтган.

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.

Instagram – BBC UZBEK

Twitter – BBC UZBEK

Odnoklassniki – BBC UZBEK

Facebook- BBC UZBEK

Google+ BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio