Гулнора Каримова: 'Ўзбекистонда мода тетапоя қилаяпти'
Ўзбекистон президентининг қизи Гулнора Каримова Нью-Йорк шаҳрига борган.
У Мерседес-Бенц кўргазмасида ўзининг кийимларини намойиш этмоқда, деб хабар қилган "Дейли фронт роу" нашри.
Модалар намойишига бағишланган "Дейли фронт роу" журнали мухбири билан Гулнора Каримованинг суҳбати "Оддий Guli" деб сарлавҳаланади.
"Дейли фронт роу" нашри мухбири дастлаб Гулнора Каримовадан "Сиз фан докторисиз, магистрлик унвонингиз бор. Мерседес-Бенц Модалар тадбирида нима қилаяпсиз?", деб сўраган.
"Мен қатор соҳаларда таҳсил олганман, ҳа, бир неча унвоним бор, социологияда, иқтисодиёт, телекоммуникация, халқаро алоқалар, шунингдек, Технология Мода институтининг заргарлик ва аксессуарлар бўйича дипломларига эгаман. Бироқ дизайн мен иштиёқ билан шуғулланадиган соҳалардан бири. Бу иш эмас, бу ўзимнинг кўнглимга ёқадиган нарса. Айни пайтда мен шеърият ва мусиқа билан ҳам севиб шуғулланаман", деб жавоб қайтаради Гулнора Каримова.
Сўнг журналист шундай савол беради: "Википедиага кўра, сиз қўшиқчи ҳам, саховатпеша ҳам, бизнесвумен ва элчи ҳамдирсиз. Дизайнга қачон вақт топасиз?"
"Агар сизнинг ғояларингиз кўп бўлса ва уларнинг айримлари чиндан ҳам йирик ғоялар бўлса, сизга энг зарур бўлган нарса бу вақт. Одатда бундай имкониятингиз ҳар доим ҳам бўлмайди, шундай пайтда сиз инфраструктура яратишингиз ва керакли жойларга керакли одамларни тайинлаб чиқишингиз керак. Мен шундай иш тутганман", дея жавоб қайтарган Ўзбекистон президентининг қизи.
Гулнора Каримованинг айтишича, у Нью-Йоркдаги кўргазмага 34 буюмдан иборат ижод намуналарини олиб борган. Улар анъанавий ўзбек матолари - адрас, беқасам, атлас, хонатлас, ипак ва шойидан тайёрланган. Булар ҳаммаси Guli ижодий гуруҳи томонидан қадимги қўлда тикиш технологиясидан фойдаланиб тайёрланган. Коллециянинг асосий қисми Guli брендининг заргарлик буюмлари, деган дизайнер ва заргар Каримова хоним.
Гулнора Каримова Ўзбекистондаги модани ҳали ёш ва янги деб атаган, мамлакатдаги моданинг бугунги аҳволини чақалоқнинг тетапоясига қиёслаган.
"Аҳолининг кам қисми модага амал қилади. Бу даромадгагина эмас, менталитет ва дидга ҳам боғлиқ. Бу нарсага ҳақиқий эътибор қаратишни бошлаган ва ўзининг стилини яратаётган одамлар бор", дейди Гулнора Каримова.
Тайёр кийимлар орасидан ўзининг дидига мос келадиганлари деб Гулнора Каримова Loro Piana жакети, Siwy жинсиси, Chanel ширкатининг калта қора кийимларини тилга олган.
"Дейли фронт роу" мухбири Валентин Уховскийнинг "Даша Жуковага ўхшаб ўзингизнинг журналингизни нашр этишни хоҳламайсизми", деган саволига Гулнора Каримова матбаа соҳасида ёшлар жамоаси билан ишлаш тажрибасига эга эканини, бироқ энг муҳими кўп инсонларни қизиқтирадиган ягона ўзига хос характерга эга маҳсулот яратиш эканини айтган ва вақти имкон берса, албатта модалар нашрини чиқаришга уриниб кўринишини билдирган.
Муштарийлар фикр-мулоҳазалари
Botir Jamol: Ana sizlarga demokratiya deb atalgan va qonun ustuvorligi amal qiladigan davlat. Bu xonimchaga New jersey shtati oliy sudi tomonidan arest qilish uchun order ham bor edi. Hech kimni parvosiga xonimchani arest qilish emas, unga AQShga kirishni taqiqlash ham yoq. Aytishadiku, puling bolsa, changalda sho'rva...
F.S: Har bir jamiyat o'z elitasiga ega, mana bizning yosh davlatimizda ham uzil kesil elita shakillanib buldi, Karimova honim bu elitani etakchilaridan biri va mening fikrimcha honim uz martabasiga loyiq. Har holda kayfu safoga mukkasidan ketmagan.
