Путин, Трамп ва янги рейтинг: Ўлдирилган ва қамалган журналистлар "Йил шахси" дея эълон қилинди

Ўлдирилган ва қамалган журналистлар - Қўриқчилар" - "Time" журналининг "Йил шахси" дея эълон қилинди.

Журналнинг тўрт хил муқовасида дунёнинг турли бурчакларида фаолият юритган журналистлар суратлари ўрин олган.

Муқоваларнинг бирида Туркиядаги Саудия Арабистони элчихонасида ўлдирилган Жамол Хашогжи ёлғиз акс этган.

Яна бошқасида эса бу йил беш нафар журналисти ўлдириб кетилган АҚШдаги "Capital Gazette" нашрининг ходимлари намоён бўлган.

Бошқа муқовалардан Мария Ресса, Ва Лоун ва Кяу Со У суратлари ўрин олган.

Ресса хоним Филиппинда мамлакат раҳбариятини танқид қилувчи "Rappler" хабар сайтининг муҳаррири бўлса, Рейтерс агентлигининг журналистлари Ва Лоун ва Кяу Со У Мянмарда Роҳингя мусулмонларининг қирғинини тергов қилганлари учун қамалганлар.

"Time" журналининг ёзишича, улар "каттароқ ҳақиқатларни юзага чиқариш учун катта хавфлардан қўрқмаган, фактларни аниқлаш учун курашган, ҳамда очиқ гапиришдан чўчимаганлар".

Ўтган йили "Time" журнали "Сукунатни бузувчилар", яъни жинсий таҳқирлашга қарши очиқ гапирган аёл ва эркакларни "Йил шахси" дея эълон қилганди.

1927 йилда бошланган анъанага кўра, "Йил кишиси" унвони йил давомида дунёдаги воқеаларга энг кўп салбий ё ижобий таъсир қилган шахсга берилган.

Аммо, унвонга 1950 йилдан бери гуруҳлар ҳам сазовор топилади. Хусусан, 2014 йилда "Эболага қарши курашчилар", 2011 йилда эса араб баҳоридаги роли учун "Намойишчилар" танлангади.

Ошкора қотиллик? Режали, ваҳший ва хаспўшланган

Саудия Арабистонининг Ғарб учун аҳамияти беш нуқтага жамланди

Суд уч ака-ука журналистларнинг уйини тортиб олиш қарорини ўз кучида қолдирди

Хоразмлик журналист: "Мени органдагилар олиб кетаяпти, кечгача ёзмасам қамаган бўладилар"

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek