Мен реал Путин - бу одам Путиннинг ўзими ё қиёфадоши? Россия Ўзбекистон
Сурат манбаси, EPA
Россия президенти ҳали 2000 йиллари қиёфадош ёллаш таклифини рад этган.
Бу борада Владимир Путиннинг ўзи айтди.
Чечен уруши пайтида ўртага қўйилган таклифни у қабул қилмаганини урғуламоқда.
Собиқ КГБ жосуси бўлган Президент Путин уруш йиллари уруш ўчоғида қолган минтақага бир неча марта борганди.
Йиллар давомида фитна назарияларига ишонувчи бу одам Путин эмас, унинг қиёфадоши, деб ишонишган.
Бироқ Владимир Путин қиёфадош ишлатишни ҳар доим рад этганини, таъкидламоқда.
Россия президентини интервью қилган ТАСС журналисти Андрей Ванденко қиёфадош ҳақидаги саволни кўтарган.
"Путиннинг қиёфадоши ёки Путиннинг қиёфадоши борлигининг далили каби иборалар интернетда энг кўп изланган" - деган журналист Ванденко.
"Сиз ҳозир ҳақиқиймисиз?"
Сурат манбаси, Getty Images
Бунга жавобан Владимир Путин ўзининг реал эканлигини ва ҳеч қачон хавфсизлик мақсадида қиёфадош ёлламаганини урғулаган.
Унинг айтишича, 1999-2009 йиллари "терроризмга қарши кураш кечган қийин паллаларда" қиёфадош ёллаш ғояси бир неча марта кўтарилган.
Сталиндан кейин иккинчи...
Жаноб Путин 2024 йили тўртинчи президентлик муҳлати тугаб, амалидан кетиши керак.
Бироқ қудратда қолиш ёки мамлакатни парда ортидан туриб бошқариш учун бирон янги амал ўйлаб топадими, деган фаразлар бор.
Владимир Путин шундоқ ҳам Иосиф Сталиндан кейин Кремлда энг узоқ қолган иккинчи раҳбар бўлди.
Ўтган январда у жиддий конституцион ўзгаришларни таклиф этганди.
Айни ўзгаришларнинг оқибатлари қандай бўлади - аниқ эмас.
Бироқ таҳлилчиларга кўра, ушбу ўзгаришлар Владимир Путиннинг қандайдир маънода қудратда қолишини таъминлаши мумкин.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
