Ўш Ўзбек театри Лондон саҳнасида
Бобур номли Ўш Ўзбек драма театри Шекспирнинг "Ричард III" асарини Лондон саҳнасида қўйган.
Courtyard Theatreда намойиш этилган асар уч тил-ўзбек, қирғиз ва рус тилларида саҳналаштирилган.
Ғоя муаллифларига кўра, Ўшнинг кўп миллатли аҳолиси шу уч тилда мулоқот қилади.
Лойиҳа муаллифи ва режиссёр Лондондаги Orzu Arts директори Йўлдош Жўрабоев.
Ўш Ўзбек мусиқали драма театри жамоасининг Лондонга илк ижодий сафаридир.
Ўш Ўзбек театри Тошкентдаги Миллий театрдан сўнг минтақадаги энг кекса театр саналади.
Театр жамоаси келаси йил ўзининг 100 йиллигини нишонлашга ҳозирлик кўрмоқда.
Айни сана арафасида Ўзбекистон ҳукумати театрга моддий ёрдам кўрсатган.
Қирғизистонлик ўзбек актёрларга кўра, чегара очилиши билан ижодий борди-келдилар ҳам жонланган.
2010 йилги Ўш воқеалари пайти театрнинг томоша залига ўт қўйилган, бинога зарар етганди.
Ўш театри қарийб бир асрлик тарихи давомида 600дан ортиқ спектаклларни саҳналаштирган.
Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 7858860002
