خدیجہ عارف بی بی سی اردو ڈاٹ کام، دلی

	شرد پوار نے پریمیئر لیگ اور چیمپئنز لیگ کا اعلان دلی میں ایک پریس کانفرنس کے ذریعے کیا

چیمپئنز لیگ میں ہر ملک سے دو ٹیمیں حصہ لیں گی، جو متعلقہ ملک کی ڈومسٹک کرکٹ میں کارکردگی کی بنیاد پر ان مقابلوں میں حصہ لینے کی اہل ہونگی۔

بی سی سی آئی کے صدر شرد پوار نے چیمپئنز لیگ کا اعلان دلی میں ایک پریس کانفرنس کے ذریعے کیا۔ ان کا کہنا تھا کہ اس لیگ میں شرکت کے لیے بھارتی ٹیموں کا انتخاب انڈین پریمیئر لیگ (آئی پی ایل) سے ہو گا، جس کا آغاز اگلے برس اپریل کے مہینے سے ہوجائے گا۔

انگلینڈ کی کاؤنٹی لیسٹرشائر نے دو برس قبل اسی طرز پر لیکن چھوٹے پیمانے پر ایک ٹورنامنٹ کرایا تھا، جو پاکستان کی ٹیم فیصل آباد ولوز نے جیتا تھا۔

ہر ملک سے دو ٹیمیں  چیمپئنز لیگ میں ہر ملک سے دو ٹیمیں حصہ لیں گی، جو متعلقہ ملک کی ڈومسٹک کرکٹ میں کارکردگی کی بنیاد پر ان مقابلوں میں حصہ لینے کی اہل ہونگی

چیمپئنز لیگ کے اعلان کے موقع پر آسٹریلیا کےگلین میگرا، نیوزی لینڈ کے سابق کپتان سٹیفن فلیمنگ، سچن تندولکر، راہل ڈریوڈ، انل کمبلے اور سورو گانگولی بھی موجود تھے۔ شین وارن نے ایک ویڈیو پیغام کے ذریعے چیمپئنز لیگ کھیلنے کی خواہش کا اظہار کیا۔

اس موقع پر بی سی سی آئی کے نائب صدر للت مودی نے کہا کہ انڈین پریمیئر لیگ کا مقصد ڈومسٹک کرکٹ کو فروغ دینا اور زیادہ سے زیادہ باصلاحیت کھلاڑیوں کو تلاش کرنا ہے۔

انڈین پریمیئر لیگ کو حال ہی میں نجی سطح پر تشکیل دی گئی انڈین کرکٹ لیگ کا جواب سمجھا جا رہا ہے، جس میں بی سی سی آئی سے الگ ہو کر کئی نامور بھارتی اور بین الاقوامی کھلاڑی پہلے ہی شامل چکے ہیں۔

بی سی سی آئی سے کے جنرل سیکرٹری نرنجن شاہ سے جب یہ پوچھا گیا کہ کیا آئی پی ایل کو انڈین کرکٹ لیگ کے جواب میں متعارف کرایا جا رہا ہے تو ان کا کہنا تھا ’آئی پی ایل اور آئی سی ایل کا کوئی مقابلہ نہیں ہے۔ آئی پی ایل کے

	پاکستانی کھلاڑی بورڈ کی اجازت سے پریمیئر لیگ کھیل سکیں گے: نسیم اشرف

آئی پی ایل کے اعلان کے موقع پر بنگلہ دیش، سری لنکا، جنوبی افریقہ، آسٹریلیا، اور پاکستان کے کرکٹ بورڈز کے سربراہان بھی موجود تھے۔

پاکستان کرکٹ بورڈ کے چیئرمین ڈاکٹر نسیم اشرف کا کہنا تھا ’پاکستانی کھلاڑی بورڈ کی اجازت سے آئی پی ایل میں کھیل سکیں گے۔‘