حسن مجتبی
بی بی سی اردو ڈاٹ کام، نیویارک |  |
ایک تھنک ٹینک کے مطابق امریکہ کے صدارتی انتخابات میں ڈیموکریٹک پارٹی کے امیدوار سینیٹر باراک اوبامہ کو سیاہ فام آبادی کی ریکارڈ حمایت حاصل ہوگئی ہے۔ اس تھنک ٹینک کا دعوٰی ہے کہ ریپبلکن امیدوار جان میکین کو سیاہ فام آبادی کی حمایت کی شرح صرف بائيس اعشاریہ آٹھ فی صد ہے۔ امریکی تھنک ٹینک کے سنيئر ریسرچ ایسوسی ایٹ نے کہا ہے کہ سیاہ فام آبادی کا ووٹ فلوریڈا، ورجینیا، شمالی کیرولائنا، اوہائیو، انڈیانا،میزوری جیسی کانٹے کے مقابلے کی ریاستوں میں فیصلہ کن ہے اور مسی سپی، کینٹکی، اور جارجیا میں سیاہ فام ووٹروں کا ریکارڈ ٹرن آوٹ ہوتا ہے۔ یہ دعوے تھنک ٹینک جوائنٹ سینٹر فار پولیٹیکل اینڈ ایکنامک سٹڈیز نے اپنے تازہ رائے عامہ کے جائزوں میں بتائي ہے۔ اس مرکز نے جو انیس سو چوراسی سے ہر امریکی صدارتی انتخابات سے کچھ دن قبل سروے کیا کرتا ہے، منگل کے روز اپنے اس انتخاب کے سروے کی رپورٹ جاری کی ہے۔ اس کے مطابق گذشتہ چار برسوں کے دوران ریپبلکن پارٹی کے لیے سیاہ فام ووٹروں کی حمایت میں ساٹھ فی صد کمی واقع ہوئي ہے۔ جوائنٹ سینٹر فار پولیٹیکل اینڈ ایکنامک سٹڈیز کے سینئر ریسرچ ایسوسی ایٹ ڈیوڈ بسٹائيس نے پریس کو بتایا ہے کہ سیاہ فام آبادی کی اتنی بڑی اکثریت سے ڈیموکریٹک پارٹی کے امیدوار سینیٹر باراک اوبامہ کو حاصل حمایت کی پہلے مثال مثال نہیں ملتی۔ باراک اوبامہ کو سیاہ فام ووٹروں کی حمایت دو ہزار چار کے انتخابات میں ڈیموکریٹک پارٹی کے سینٹر جان کیری کو سیاہ فام آبادی کی حاصل حمایت سے اکتالیس فی صد زیادہ ہے۔ سروے میں بتایا گياہے سیاہ کہ فام آبادی میں سابق صدر بل کلنٹن حاصل حمایت ابتک بر قرار ہے جبکہ سینٹر ہیلری کلنٹن کے بارے میں بھی سیاہ فام آبای کی حمایت ان کی پرائمیریز میں ملنے والے انتخابی ریٹنگ سے بہتر نکلی ہے۔ سروے کے مطابق، باراک اوباما کے بعد سیاہ فام آبادی کی حمایت ہیلری کلنٹن کو حاصل ہوتی۔ راۓ عامہ کے ان جائزوں میں بتایا گيا ہے کہ سیاہ فام یا افریقی امریکی ووٹروں میں صدر جارج بش کی حمایت انتہائي نچلی سطح تک پہنچ گئی ہے جو کہ اب تک کسی بھی امریکی صدر کیلیے ساہ فام آبادی کی حمایت میں کمی کی سب سے نچلی سطح ہے۔ | 
ڈکٹیٹر کی حمایت نہیں کرنا:اوبامہ
