ریاست بہار میں سات ملین افراد متاثر ہوئے ہیں

صحت عامہ سے متعلق اقوام متحدہ کے ادارے ورلڈ ہیلتھ آرگنائزیشن اور بچوں کی فلاح و بہبود کے اس کے ادارے یونیسیف نے کہا ہے کہ مختلف علاقوں میں سیلاب کا ٹھہرا ہوا پانی ڈینگو اور ملیریا کے لیے ’زرخیز زمین‘ ہے۔

ایک اندازے کے مطابق ہندوستان، نیپال اور بنگلہ دیش میں لگ بھگ اٹھائیس ملین افراد سیلاب سے متاثر ہوئے ہیں۔

اور اب امداد پہنچانے کی جنگ

جنوبی ایشیا میں سیلاب کے مناظر

سیلاب سے تباہی، ہلاکتیں

پناہ گزینوں کی ’قومی شاہراہ‘

متاثرہ علاقوں میں غذاء، پانی اور دوائیں پہنچانے کی کوششیں ہورہی ہیں لیکن تینوں ممالک میں سیلاب سے جتنے وسیع پیمانے پر تباہی ہوئی ہے اس کی بہ نسبت امدادی کارروائیوں کو اونٹ کے منہ میں زیرا بتایا گیا ہے۔

ہندوستان میں یونیسیف کے صحت عامہ کے سربراہ مارزیو ببیلے نے بتایا کہ اگر متاثرین تک فوری امداد نہ پہنچائی گئی تو تمام دیہاتوں میں بڑے پیمانے پر بیماری پھیلنے کا خدشہ ہے۔

بیماریوں کا خطرہ: اقوام متحدہ  سیلاب کا ٹھہرا ہوا پانی بخار، ملیریا، ڈینگی اور پیٹ کی بیماریوں کے پھیلنے کے لیے خطرناک طور پر زرخیز ثابت ہوسکتا ہے۔ جنوبی ایشیا میں جہاں بچوں کی آبادی چالیس فیصد ہے، ان کی صحت خطرے میں پڑسکتی ہے۔

حالیہ سیلاب میں ہندوستان سب سے زیادہ متاثر رہا ہے۔ یہاں اترپردیش، بہار اور آسام کی ریاستوں میں اقوام متحدہ کے مطابق بیس ملین لوگ سیلاب سے متاثر ہوئے ہیں۔ اقوام متحدہ کے مطابق بنگلہ دیش میں آٹھ ملین اور جنوبی نیپال میں تین لاکھ لوگ سیلاب سے متاثر ہوئے۔

اگرچہ نیپال اور بنگلہ دیش میں پانی کی سطح میں کمی آئی ہے تاہم اطلاعات کے مطابق کروڑوں متاثرین دور دراز علاقوں میں پھنسے ہیں جہاں امداد نہیں پہنچ رہی ہے۔ لگ بھگ تمام متاثرہ علاقوں میں پینے کے پانی کے ذرائع صاف شفاف نہیں رہے۔

اقوام متحدہ کا کہنا ہے کہ ہندوستان میں ہیلی کاپٹروں کی کمی کی وجہ سے امداد پہنچانے میں کافی دشواریاں پیش آرہی ہیں۔ سیلاب کے متاثرین لگ بھگ ایک ہفتے سے کھلے آسمان تلے ہیں اور ان کے گھر بہہ گئے ہیں۔

مزید بارشوں کی وارننگ
منگل کو بارش کچھ وقفے کے لیے رکی ہوئی تھی لیکن موسمیات کے ماہرین نے پیش گوئی کی ہے کہ آنے والے دنوں میں مزید بارش ہوگی اور سیلاب کئی ہفتوں تک جاری رہے گا۔

ہندوستان میں بیس ملین متاثرین  حالیہ سیلاب میں ہندوستان سب سے زیادہ متاثر رہا ہے۔ یہاں اترپردیش، بہار اور آسام کی ریاستوں میں اقوام متحدہ کے مطابق بیس ملین لوگ سیلاب سے متاثر ہوئے ہیں۔ اقوام متحدہ کے مطابق بنگلہ دیش میں آٹھ ملین اور جنوبی نیپال میں تین لاکھ لوگ سیلاب سے متاثر ہوئے۔

اقوام متحدہ نے کہا کہ صرف بہار میں امداد پہنچانے کے لیے اسے ہیلی کاپٹروں کی اشد ضرورت ہے۔ ساتھ ہی بڑے پیمانے پر بچوں کی ادویات کی ضرورت بتائی گئی ہے۔

برطانوی امدادی ایجنسیاں
ادھر برطانیہ میں کئی امدادی ایجنسیوں نے عوام سے اپیل کی ہے کہ وہ جنوبی ایشیا کے متاثرین کے لیے عطیات فراہم کریں۔

بچوں کے تحفظ کے لیے کام کرنے والی ایجنسی ’سیو دی چلڈرین‘ نے جنوبی ایشیا کے سیلاب کو ایک عشرے کا سب سے بدترین سیلاب قرار دیا ہے۔

امدادی ادارے ’ایکشن ایڈ‘ نے، جو بنگلہ دیش میں متاثرین کے لیے کام کررہا ہے، کہا ہے کہ فوری طور پر جن چیزوں کی ضرورت ہے وہ ہیں پینے کا پانی اور بیماریوں سے نمٹنے کے لیے ادویات۔

ایک اور امدادی ادارے آکسفیم نے کہا ہے کہ وہ فوری طور پر امداد پہنچانے کے لیے تیار تھا جس کی وجہ سے متعدد جانیں بچائی جاچکی ہیں۔

	اقوامتحدہ کے مطابق اٹھائیس ملین افراد سیلاب سے متاثر ہوئے ہیں