چین نے عندیہ دیا ہے کہ اگر شمالی کوریا کے خلاف قرارداد میں اقوام متحدہ کے چیپٹر سیون کا حوالہ ہوا تو وہ اس قرارداد کو ویٹو کرے گا

قرارداد کے مطابق اقوامِ متحدہ کے اراکین نے شمالی کوریا کو میزائل سے وابستہ کسی بھی قسم کے میٹیریل کی درآمد اور برآمد پر پابندی لگائی ہے اور کہا ہے کہ وہ اپنے دور مار کرنے والے گولوں کے تجربات بند کر دے۔

یہ قرار داد اس وقت منظور ہوئی ہے جب شمالی کوریا نے سات میزائل تجربے کیئے ہیں جس میں سے ایک دور مار کرنے والا میزائل تائیپوڈونگ۔2 بھی ہے جس کے متعلق کہا جا رہا ہے کہ وہ الاسکا تک پہنچ سکتا ہے۔

شمالی کوریا نے کہا ہے کہ وہ قرارداد کو ’مکمل رد‘ کرتا ہے۔

میزائل تجربات پر ہنگامی اجلاس

شمالی کوریا نے کئی میزائل داغے

اس قرار داد کا مسودہ جاپان نے پیش کیا تھا۔

شمالی کوریا اس بارے میں کہہ چکا ہے کہ ’اور اگر عالمی برداری نے پیانگ یانگ پر دباؤ ڈالنے کی کوشش کی تو شمالی کوریا اس کا ’بھر پور عملی جواب‘ دے گا‘۔

اقوام متحدہ میں امریکہ کے مندوب جان بولٹن کا کہنا ہے کہ شمالی کوریا کے خلاف اس قرارداد میں اقوام متحدہ کے چیپٹر سات کا کوئی حوالہ نہیں ہے۔

واضح رہے کہ اقوام متحدہ کے منشور کا باب سات ایسے ملک کے خلاف طاقت کے استعمال کی اجازت دیتا ہے جس کے خلاف سلامتی کونسل میں قرارداد منظور ہو چکی ہو۔

جان بولٹن کا کہنا ہے کہ ’اس کے باوجود بھی قرارداد قانونی پابندیاں نافذ کرتی ہے‘۔

امریکی سفیر نے کہا کہ اگر شمالی کوریا قرار داد تعمیل نہ کی تو کونسل مزید کارروائی کر سکتی ہے۔

جاپان ایک عرصے سے ایک ایسا ایشیائی ملک ہے جو شمالی کوریا پر انتہائی سخت موقف رکھتا ہے۔ جاپان نے شمالی کوریا کی طرف سے سات میزائل تجربوں کے فوری بعد اقوامِ متحدہ کی سلامتی کونسل کا اجلاس بلانے کی درخواست کی تھی اور یہ اجلاس جاپان کی اس درخواست پر ہی ہو رہا ہے جس میں اس نے کہا تھا کہ شمالی کوریا کے میزائلوں کے تجربے سے اس کی سلامتی کے لیئے خطرہ ہیں۔

تاہم چین، روس اور جنوبی کوریا کا کہنا ہے کہ تادیبی کارروائی ضروری نہیں ہے اور اقوام متحدہ میں شمالی کوریا کے مندوب وانگ گوانگیا کا کہنا ہے کہ انہیں سلامتی کونسل میں جاپان کی قرارداد کو ویٹو کرنے کی ہدایات ہیں۔