انہیں بعد میں آنا چاہیے، اٹھارہ کے بعد:صدر مشرف

تاہم، بی بی سی کو ایک خصوصی انٹرویو میں پاکستان کے صدر نے کہا کہ اس کا مطلب یہ نہیں کہ وہ بینظیر بھٹو کو پاکستان آنے سے روکیں گے۔

صدارتی انتخاب، خصوصی ضمیمہ

انتخابات جنوری میں ہوں گے: شوکت عزیز

جمعہ کو نامہ نگار اوون بینٹ جونز کو انٹرویو دیتے ہوئے جنرل پرویز مشرف نے کہا: ’میں نے (بینظیر بھٹو) کو پیغامات بھیجے ہیں، اس لیے میرا خیال ہے کہ انہیں اپنی پاکستان واپسی میں تاخیر کرنی چاہیئے۔ یہاں بہت کچھ ہو رہا ہے، عدالتوں میں مقدمے چل رہے ہیں۔ میرا خیال ہے انہیں ان کے بعد ہی آنا چاہئیے۔‘

تاہم جنرل مشرف کا کہنا تھا کہ وہ بینظیر بھٹو کو واپس آنے سے روکیں گے نہیں۔ ’ انہیں ملک سے کسی نے بھی نہیں نکالا تھا۔‘

بینظیر بھٹو نے آٹھ سالہ خودساختہ جلاوطنی کے بعد اٹھارہ اکتوبر کو پاکستان جانے کا اعلان کیا ہوا ہے جبکہ پاکستان کی سپریم کورٹ اس سے ایک دن قبل سترہ تاریخ کو جنرل مشرف کے بطورِ صدرِ پاکستان انتخاب کے حوالے سے آئینی درخواستوں کی سماعت کرے گی۔

بی بی سی کے نامہ نگار کے ساتھ صدر جنرل پرویز مشرف کے انٹرویو کی تفصیلات موصول ہو رہی ہیں۔