اعجاز مہر بی بی سی اردو ڈاٹ کام، اسلام آباد

	اے پی ڈی ایم کے اراکین پارلیمان الیکشن کمیشن کے سامنے مظاہرہ کریں گے (فائل فوٹو)

یہ اعلان جمعہ کو اسلام آباد میں تحریک کے اجلاس کے بعد ایک مشترکہ نیوز کانفرنس میں کیا گیا۔ اس موقع پر مسلم لیگ نواز کے راجہ ظفرالحق، متحدہ مجلس عمل کے قاضی حسین احمد، عوامی نیشنل پارٹی کے اسفند یار ولی اور تحریک انصاف کے عمران خان بھی موجود تھے۔

دو عہدوں کی تائید پارلیمان نےکی: بینچ

پاکستان: اے پی ڈی ایم کے مظاہرے

صدارتی انتخاب چھ اکتوبر کو

مولانا فضل الرحمٰن سے جب پوچھا گیا کہ کیا وہ استعفیٰ دیں گے تو انہوں نے کہا کہ ’یہ سوال مستعفی ہونے کی تاریخ طے کرنے والوں سے پوچھیں۔‘ تاہم انہوں نے کہا کہ چند روز قبل قاضی حسین احمد نے ان سے مشاورت کی تھی اور انہوں نے اصولی طور پر اتفاق تو کیا تھا لیکن تاریخ طے نہیں ہوئی تھی۔

تاریخ طے نہیں ہوئی  مولانا فضل الرحمٰن سے جب پوچھا گیا کہ کیا وہ استعفیٰ دیں گے تو انہوں نے کہا کہ ’یہ سوال مستعفی ہونے کی تاریخ طے کرنے والوں سے پوچھیں۔‘ تاہم انہوں نے کہا کہ چند روز قبل قاضی حسین احمد نے ان سے مشاورت کی تھی اور انہوں نے اصولی طور پر اتفاق تو کیا تھا

انہوں نے عدلیہ پر مبینہ حکومتی دباؤ کے خلاف چوبیس اکتوبر کو سپریم کورٹ کے باہر احتجاجی مظاہرہ کرنے کا اعلان بھی کیا۔

راجہ ظفرالحق نے کہا کہ اتحاد میں شامل تمام جماعتوں سے کہا گیا ہے کہ وہ اپنی اپنی پارلیمانی پارٹیوں کے اجلاس چھبیس ستمبر کوبلا کر اپنے اراکین سینیٹ و اسمبلیوں سے استعفے لے لیں۔

ان کے مطابق ستائیس ستمبر کو اے پی ڈی ایم کے اراکین پارلیمان الیکشن کمیشن کے سامنے مظاہرہ کریں گے اور انتیس ستمبر کو تمام اراکین چیئرمین سینیٹ، سپیکر قومی و صوبائی اسمبلیوں کو اپنے استعفے پیش کریں گے۔

نیوز کانفرنس میں انہوں نے یہ اعلان بھی کیا کہ ’اے پی ڈی ایم تیس ستمبرسے روزانہ ملک بھر میں احتجاجی مظاہرے کرے گا اور آٹھ اکتوبر کو مرکزی رہنماؤں کا اجلاس ہوگا جس میں آئندہ کا لائحہ عمل مرتب کیا جائے گا۔‘

واضح رہے کہ متحدہ مجلس عمل کے رہنما پہلے بھی مستعفی ہونے کا اعلان کرتے رہے ہیں لیکن مولانا فضل الرحمٰن عین وقت پر مخالفت کرتے رہے ہیں۔