اعجاز مہر
بی بی سی اردو ڈاٹ کام، اسلام آباد |  |
| | | پہلا موقع ہوگا کہ ایک ہی پارلیمان دوسری مرتبہ صدارتی انتخاب میں حصہ لے گی |
الیکشن کمیشن آف پاکستان نے صدارتی انتخاب کے لیے شیڈول جاری کرتے ہوئے ووٹنگ کے لیے چھ اکتوبر کی تاریخ مقرر کی ہے۔ پاکستان کی تاریخ میں یہ پہلا موقع ہوگا کہ ایک ہی پارلیمان دوسری مرتبہ صدارتی انتخاب میں حصہ لے گی۔ حزب مخالف کے رہنماؤں کا کہنا ہے کہ جس اسمبلی کی اپنی مدت پانچ برس ہو وہ صدر کو دس برس کے لیے کیسے منتخب کرسکتی ہے۔ الیکشن کمیشن کے سیکرٹری کنور دلشاد نے بی بی سی کو بتایا کہ کاغذات نامزدگی ستائیس ستمبر کو وصول کیے جائیں گے اور یکم اکتوبر کو امیدواروں کی حتمی فہرست جاری کی جائے گی۔ الیکشن کمیشن کے ایک نوٹیفیکشن کے مطابق چیف الیکشن کمشنر قاضی محمد فاروق سینیٹ اور قومی اسمبلی میں صدارتی انتخاب کے لیے ریٹرنگ آفیسر جبکہ صوبائی اسمبلیوں میں متعلقہ صوبے کی ہائیکورٹ کے چیف جسٹس پریزائیڈنگ افسر کا فریضہ سرانجام دینگے۔ آئین کے مطابق صدر کے انتخاب میں پارلیمان کے دونوں ایوان یعنی سینیٹ و قومی اسمبلی اور چاروں صوبائی اسمبلیوں کے کل گیارہ سو ستر ارکان ووٹ ڈالنے کے مجاز ہیں۔ | حزب اختلاف کے استعفے؟  پیپلز پارٹی کے علاوہ باقی حزب مخالف کی تمام جماعتوں نے جنرل پرویز مشرف کو موجودہ اسمبلیوں سے دوبارہ صدر منتخب کرانے کی صورت میں مستعفی ہونے کا پہلے ہی اعلان کر رکھا ہے  |
سینیٹ کے ارکان کی تعداد ایک سو جبکہ قومی اسمبلی کی تین سو بیالیس ہے۔ پنجاب اسمبلی میں ارکان کی تعداد تین سو اکہتر، سندھ اسمبلی میں ایک سو اڑسٹھ، سرحد اسمبلی میں ایک سو چوبیس اور بلوچستان اسمبلی میں پینسٹھ ہے۔ موجودہ صورتحال میں صرف سرحد کی صوبائی اسمبلی ایسی ہے جہاں حکمران مسلم لیگ کو اکثریت حاصل نہیں ہے۔ سرحد اسمبلی میں مذہبی جماعتوں کے اتحاد متحدہ مجلس عمل یعنی ایم ایم اے کو اکثریت حاصل ہے۔ ایم ایم اے اور حکمران مسلم لیگ کا صوبہ سرحد اور بلوچستان میں اتحاد ہے اور ان کی مخلوط حکومت ہے۔ | انتظار کرنا چاہیے تھا الیکشن کمیشن کو سپریم کورٹ کے فیصلے تک انتظار کرنا چاہیے تھا راجہ ظفرالحق |
پاکستان پیپلز پارٹی کے رہنماء رضا ربانی کا کہنا ہے کہ صدارتی انتخاب میں حصہ لینا اسے قانونی حیثیت دینے کے مترادف ہوگا۔ ان کے مطابق پیپلز پارٹی بائیکاٹ، غیر حاضر رہنے اور مستعفی ہونے جیسے آپشنز کو مناسب سمجھتی ہے۔مسلم لیگ (نواز) کے مرکزی رہنماء راجہ ظفر الحق کا کہنا ہے کہ وہ حزب مخالف کی دیگر جماعتوں سے رابطوں میں ہیں اور مشترکہ حکمت عملی بنائی جائے گی۔ تاہم ان کا کہنا ہے کہ الیکشن کمیشن کو سپریم کورٹ کے فیصلے تک انتظار کرنا چاہیے تھا۔ چھ مذہبی جماعتوں کے اتحاد متحدہ مجلس عمل کے سرکردہ رہنماء لیاقت بلوچ کا کہنا ہے کہ جس روز جنرل پرویز مشرف کے کاغذات نامزدگی قبول ہوگئے اس روز آل پارٹیز ڈیمو کریٹک موومنٹ یعنی اے پی ڈی ایم کے ارکان اسمبلی مستعفی ہوجائیں گے۔ | 
باجوڑ: قبائل اور حکومت میں معاہدہ
