ہارون رشید بی بی سی اردو ڈاٹ کام، اسلام آباد

	سیمینار سپریم کورٹ بار ایسوسی ایشن نے منعقد کیا تھا

حکومت کا کہنا ہے کہ وہ اس بابت اپنے آپشنز پر بھی قانونی ماہرین سے مشورے کر رہی ہے۔

کوئی خلاف ورزی نہیں ہوئی: اعتزاز

اختیارات کی تقسیم اور عدلیہ کی آزادی کے عنوان سے یہ سمینار سپریم کورٹ میں سنیچر کو سپریم کورٹ بار ایسوسی ایشن نے منعقد کیا تھا جس سے چیف جسٹس افتخار محمد چودھری کے علاوہ کئی وکلاء نمائندوں نے بھی خطاب کیا تھا۔

تاہم اس دوران ہال میں موجود وکلاء وقفے وقفے سےحکومت مخالف نعرے لگاتے رہے۔

وفاقی وزراء کا کہنا تھا کہ یہ سمینار نہیں بلکہ ایک سیاسی ڈرامہ تھا۔ وزیر مملکت طارق عظیم کا کہنا تھا کہ یہ سیاسی شو سپریم کورٹ کی جانب سے نو مئی کو سپریم کورٹ کے اندر تمام افراد کے لیے جاری کیے گئے ایک واضع ضابطہ اخلاق کی خلاف ورزی تھا۔

انہوں نے عدالت سے استفسار کیا کہ اسے فیصلہ کرنا چاہیے کہ آیا یہ توہین عدالت کے زمرے میں آتا ہے یا نہیں۔

	’یہ سمینار نہیں بلکہ ایک سیاسی ڈرامہ تھا‘

محمد علی دورانی کا الزام تھا کہ اس سیمنار میں ملک کے اہم اداروں اور شخصیات یہاں تک کے سابق ججوں پر کیچڑ اچھالا گیا۔ ان کا موقف تھا کہ اس سمینار میں انتہائی نامناسب زبان استعمال کی گئی جس پر انہیں افسوس ہے۔

ایک سوال کے جواب میں حکومتی ترجمان نے واضع کیا کہ نو مئی کے ضابطہ اخلاق میں کہیں بھی نہیں لکھا کہ اس کا اطلاق صرف مقدمے کی سماعت کے دوران ہوگا۔

ان کا الزام تھا کہ سیاسی جماعتوں کے پاس بھی کوئی ایشو نہیں تو وہ عدلیہ کو اپنے سیاسی مقاصد کے لیے استعمال کر رہی ہیں۔

تحریک انصاف کے رہنماعمران خان پر پابندی کے بارے میں ایک سوال کا جواب انہوں نے محض یہ کہہ کر ٹال دیا کہ یہ صوبائی معاملہ ہے۔