رفاقت علی بی بی سی اردو ڈاٹ کام، اسلام آباد

	چیف جسٹس افتخار محمد چودھری جہاں کہیں بھی جاتے ہیں وکلاء ان کا بھرپور استقبال کرتے ہیں

بارہ مئی کو ہنگاموں کی نظر ہو جانے والے دورہِ کراچی کے بعد یہ پہلا موقع ہو گا کہ جسٹس افتخار وکلاء کی کسی تقریب میں شرکت کرینگے۔ سمینار سپریم کورٹ آف پاکستان کے آڈیٹوریم میں منقعد ہوگا اور اس کا موضوع ہے ’اختیارات کی تقسیم اور عدلیہ کی آزادی‘۔

قائم مقام چیف جسٹس رانا بھگوان داس نے سپریم کورٹ کے آڈیٹوریم میں سمینار کی اجازت دیتے ہوئے تاکید کی ہے کہ اس موقع پر سیاسی سرگرمیوں اور کردار کشی سے پرہیز کیا جائے۔

چیف جسٹس اور حکومت، خصوصی ضمیمہ

کراچی میں ہنگامے، ہلاکتیں

مختلف سیاسی جماعتوں نے بھی چیف جسٹس افتخار محمد چودھری کے ساتھ روا رکھے جانے والےحکومتی سلوک کے خلاف سپریم کورٹ کی عمارت کے سامنے احتجاج کرنے کا اعلان کر رکھا ہے۔

ججوں کی بجائے سفارت کار  سمینار میں سپریم کورٹ کے ججوں کو تو مدعو نہیں کیا گیا لیکن پہلی مرتبہ سفارت کارروں کو شرکت کی دعوت دی گئی ہے

ادھر حکومت نے شاہراہ آئین پر لوگوں کے اجتماع کو روکنے کے لیے وفاقی دارالحکومت کے تمام راستوں پر پولیس کی بھاری نفری تعینات کر دی ہے۔

سمینار کے مقررین میں جسٹس افتخار محمد چودھری کے علاوہ ان کے وکیل اعتزاز احسن، سندھ ہائی کورٹ بار ایسوسی ایشن کے صدر ابرار حسن اور پاکستان بار کونسل کے رکن رشید رضوی شامل ہیں۔

سمینار میں سپریم کورٹ کے ججوں کو تو مدعو نہیں کیا گیا لیکن پہلی مرتبہ سفارت کارروں کو شرکت کی دعوت دی گئی ہے۔ اطلاعات کے مطابق سپریم کورٹ بار ایسوسی ایشن نے پچاس ملکوں کے سفیروں کو دعوت نامے بھجوائے ہیں۔