وسعت اللہ خان
بی بی سی اردو ڈاٹ کام،اسلام آباد |  |
| | | اس بات کا امکان کم ہے کہ یہ اشتہارات انفرادی سطح پر شائع کیے جا رہے ہوں |
پانچ اور چھ مئی کو چیف جسٹس افتخار محمد چوہدری کو اسلام آباد تا لاہور جی ٹی روڈ پر پچیس گھنٹے کے سفر میں جس انداز کی عوامی پذیرائی ملی اس کے نتیجے میں مشرف حکومت اور اتحادی جماعتوں بالخصوص مسلم لیگ اور ایم کیو ایم کو غالباً یہ فرض سونپا گیا ہے کہ وہ اب کھل کے سامنے آئیں اور چیف جسٹس کے حق میں امڈنے والی لہر کو روکنے کے لیے پوری طاقت اور وسائل بروئے کار لائیں۔ سرکاری وکلاء نے نہ صرف عدالت کے اندر جارحانہ رویہ اختیار کر لیا ہے بلکہ مظاہرے کا جواب مظاہرے سے اور جلسے کا جواب جلسے سے دینے کی حکمتِ عملی پر بھی عمل شروع ہوگیا ہے۔ |  سیاسی اور عوامی دباؤ سے نمٹنے کے لیے یہ حکمتِ عملی بھی اختیار کی گئی ہے کہ بارہ مئی کو اسلام آباد میں حکمراں مسلم لیگ اور کراچی میں ایم کیو ایم اپنے ہزاروں حامیوں کو سڑکوں پر لائے تاکہ چیف جسٹس کے میڈیا شو سے لوگوں کی توجہ بٹائی جاسکے اور چیف جسٹس کے حق میں مظاہرہ کراچی اور اسلام آباد کے جوابی مظاہروں کے بیچ میں ہر طرح سے سینڈوچ بن جائے۔  |
پہلے مرحلے میں اردو میں شائع ہونے والے بڑے قومی اخبارات میں پہلے اور آخری صفحے پر سات مئی سے ایم کیو ایم لیگل ایڈ کمیٹی کے علاوہ عدلیہ تحفظ کمیٹی اور غیر جانبدار وکلاء کے نام سے چوتھائی صفحے کے اشتہارات شائع کرائے جا رہے ہیں۔ ایم کیوایم لیگل ایڈ کمیٹی ایک معروف نام ہے جبکہ عدلیہ تحفظ کمیٹی اور غیر جانبدار وکلاء کا جغرافیہ کیا ہے کسی کو نہیں معلوم۔ مبصرین کے مطابق اس طرح کےگمنام اشتہارات کے پیچھے مسلم لیگ ق بھی ہو سکتی ہے یا وزارتِ اطلاعات یا کسی ایجنسی کا سیکرٹ فنڈ بھی ہو سکتا ہے۔ اس بات کا امکان کم ہے کہ یہ اشتہارات انفرادی سطح پر شائع کیے جا رہے ہوں کیونکہ فرنٹ پیج پر چوتھائی اشتہار کا نرخ ایک اخبار میں آٹھ لاکھ روپے اور دوسرے اخبار میں دو لاکھ ساٹھ ہزار روپے کے لگ بھگ ہے۔ جبکہ بیک پیج کا نرخ ایک اخبار میں سوا پانچ لاکھ روپے اور دوسرے اخبار میں ایک لاکھ اسی ہزار روپے ہے اور روزانہ دو بڑے اخبارات میں اتنی قیمت کے اشتہار شائع کروانا کسی ایک فرد کے لیے خاصا مشکل ہے۔ | غیر جانبدار وکلاء کے نام سے جو اشتہارات شائع کرائے جا رہے ہیں ان میں چیف جسٹس سے پوچھا گیا ہے کہ جو سیاستدان اس وقت آپ کے ہاتھ چوم رہے ہیں اور جو وکلاء آپ کا مقدمہ لڑ رہے ہیں یا جو وکلاء آپ کے مخالف فریق کی جانب سے پیش ہورہے ہیں۔اگر ان میں سے کسی کا مقدمہ آئندہ آپ کی عدالت میں آتا ہے تو بحیثیت انسان اور جج کیا آپ انصاف کر پائیں گے۔ |
اخبارات کے اندرونی ذرائع کے مطابق یہ تو نہیں بتایا جا سکتا کہ ان گمنام اشتہارات کے پیچھے کون ہے البتہ کہا یہ جا رہا ہے کہ ان سب کے ریلیز آرڈر اسلام آباد سے جاری ہوئے ہیں۔ عدلیہ تحفظ کمیٹی کے اشتہار کا لبِ لباب یہ ہے کہ چیف جسٹس نادانستہ طور پر اعتزاز احسن، منیر ملک، رشید رضوی اور حامد خان جیسے وکلاء کے ذریعے بے نظیر بھٹو کے لیے استعمال ہورہے ہیں جن کی حکومت سے ڈیل ہورہی ہے۔ غیر جانبدار وکلاء کے نام سے جو اشتہارات شائع کرائے جا رہے ہیں ان میں چیف جسٹس سے پوچھا گیا ہے کہ جو سیاستدان اس وقت آپ کے ہاتھ چوم رہے ہیں اور جو وکلاء آپ کا مقدمہ لڑ رہے ہیں یا جو وکلاء آپ کے مخالف فریق کی جانب سے پیش ہورہے ہیں۔اگر ان میں سے کسی کا مقدمہ آئندہ آپ کی عدالت میں آتا ہے تو بحیثیت انسان اور جج کیا آپ انصاف کر پائیں گے۔ ایم کیو ایم لیگل ایڈ کمیٹی کے نام سے شائع ہونےوالے تفصیلی اشتہار میں کہا گیا ہے کہ عدلیہ کے نام پر سیاست اور عدالتی بائیکاٹ کے نتیجے میں لاکھوں سائلوں پر انصاف کے دروازے بند ہو چکے ہیں لہٰذا یہ کھیل بند کیا جائے اور عدالت کی بات عدالت میں ہی کی جائے۔ چیف جسٹس بارہ مئی کو کراچی بار سے خطاب کرنے والے ہیں اوراندازہ ہے کہ بارہ مئی تک اس سرکاری حمایت یافتہ اشتہاری مہم میں مزید تیزی آئے گی۔ سیاسی اور عوامی دباؤ سے نمٹنے کے لیے یہ حکمتِ عملی بھی اختیار کی گئی ہے کہ بارہ مئی کو اسلام آباد میں حکمراں مسلم لیگ اور کراچی میں ایم کیو ایم اپنے ہزاروں حامیوں کو سڑکوں پر لائے تاکہ چیف جسٹس کے میڈیا شو سے لوگوں کی توجہ بٹائی جاسکے اور چیف جسٹس کے حق میں مظاہرہ کراچی اور اسلام آباد کے جوابی مظاہروں کے بیچ میں ہر طرح سے سینڈوچ بن جائے۔ اخباری اطلاعات کے مطابق مسلم لیگ (ق) نے اسلام آباد میں بارہ مئی کو لاکھوں افراد جمع کرنے کے لیے پارٹی اور حکومت کے تمام ضروری وسائل استعمال کرنے کا فیصلہ کیا ہے۔امکان ہے کہ صدر مشرف بھی ریلی سے خطاب کریں گے۔جبکہ ایم کیو ایم کے قائد الطاف حسین نے اعلان کیا ہے کہ بارہ مئی کو کراچی کی سڑکیں ان کے حامیوں سے بھر جائیں گی۔ چیف جسٹس کی حامی وکلاء قیادت تو پہلے ہی کراچی میں چیف جسٹس کے استقبال کے شیڈول اور جلوس کے روٹ کا اعلان کر چکی ہے۔ مبصرین خدشہ ظاہر کررہے ہیں اگر اس موقع پر کوئی فریق اپنی طاقت کا مظاہرہ کرنے سے باز نہیں آتا اور بلا لچک رویے کے نتیجے میں تصادم ہوتا ہے تو پھر حکومت کو ایمرجنسی نافذ کرنے اور بنیادی حقوق معطل کرنے کا جواز ہاتھ آ سکتا ہے۔اس کے بعد کیا ہوتا ہے یہ یا تو رب جانے یا مشرف جانے۔ | 
ہمارے سیاسی قبائل
