ہارون رشید بی بی سی اردو ڈاٹ کام، پشاور

	مقامی طالبان نے کالے شیشوں والی گاڑیوں پر پابندی لگا دی تھی

کالے شیشوں پر طالبان کی پابندی

جنوبی وزیرستان کے صدر مقام میران شاہ سے تقریبا بارہ کلومیٹر مغرب میں اعظم ورسک کے علاقے میں گزشتہ دنوں غیرملکی جنگجوؤں اور مقامی قبائلی سردار سعد اللہ خان کے ساتھیوں کے درمیان مسلح تصادم میں اٹھارہ افراد ہلاک جبکہ ایک درجن کے قریب زخمی ہوئے تھے۔

ہلاک ہونے والوں میں اکثریت غیرملکیوں کی بتائی جاتی ہے۔ ان غیر ملکی شدت پسندوں نے مخالفین کے چھ افراد کو یرغمال بھی بنا لیا تھا۔ ان میں سے تین کو جلد ہی رہا کر دیا گیا تھا۔

مقامی قبائلی عمائدین نے فریقین میں مصالحت کی کوشش کی جو کامیاب رہی۔ غیرملکیوں نے اپنے مورچے خالی کر دیے ہیں اور تین یرغمالی بھی رہا کیے۔

سیاہ شیشوں کا تنازع  مقامی طالبان کے سربراہ مولانا گل بہادر نے گزشتہ دنوں جرائم پیشہ افراد اور سیاہ شیشوں کے غلط استعمال کو روکنے کے لیے یہ پابندی عائد کر دی تھی۔ لیکن اطلاعات کے مطابق غیرملکی شدت پسند اس سے متفق نہیں تھے

مقامی طالبان کے سربراہ مولانا گل بہادر نے گزشتہ دنوں جرائم پیشہ افراد اور سیاہ شیشوں کے غلط استعمال کو روکنے کے لیے یہ پابندی عائد کر دی تھی۔ لیکن اطلاعات کے مطابق غیرملکی شدت پسند اس سے متفق نہیں تھے۔

آخری اطلاعات تک معاملے کو بات چیت کے ذریعے حل کرنے کی کوششیں کی جا رہی تھیں۔