ریحانہ بستی والا بی بی سی اردو ڈاٹ کام ، ممبئی

اسّی کے آخری اور نوے کے شروعاتی عشرے میں سری دیوی کا جادو چڑھ کر بولتا تھا

اس سیکوئیل میں ایک بار پھر ان کے ہیرو انیل کپور ہوں گے۔ بونی دراصل ’مسٹر انڈیا‘ کا سیکوئیل بنانے کا ایک عرصہ سے ارادہ رکھتے تھے۔ اس لیے انہوں نے اپنی بیوی کو کسی اور فلمساز کی فلم میں کام کرنے سے روکے رکھا تھا۔

چلو کسی بہانے سری دیوی کی واپسی تو ہوئی۔ ایک حسین دور کو آپ ایک بار پھر پردے پر دیکھ کر محظوظ ہوں، اور اسی طرح بونی کے ارادے کی تکمیل۔

نفرتوں کی شام
سنیچر کی شام بھی کیا غضب کی شام تھی۔ ایک طرف سیف علی خان کی سالگرہ کا جشن تھا تو دوسری جانب سبھاش گھئی کی بیوی ریحانہ کی سالگرہ پارٹی۔

بالی وڈ صحیح معنوں میں دو حصوں میں تقسیم ہو گیا تھا۔ سیف کی دوست کرینہ نے پارٹی کا اہتمام کیا تھا اور اس نے شاہ رخ کے ساتھ سلمان خان اور ان کے پورے گھر کو مدعو کیا تھا۔ لیکن اب جہاں شاہ رخ وہاں سلمان نہیں اور جہاں سلمان وہاں شاہ رخ نہیں۔

شاہ رخ گروپ کے لوگ سیف کی پارٹی میں تھے جن میں کرن جوہر، اکشے، سنجے دت شامل تھے تو سلمان کا پورا خاندان ان کے علاوہ رشی کپور، بونی کپور، گووندہ اور جیکی جیسے ستارے سبھاش گھئی کی پارٹی میں تھے۔

یہ سب تو ٹھیک تھا لیکن بیچاری رانی مکھرجی کو سب سے زیادہ افسوس اس وقت ہوا جب انہوں نے اپنے نئے بنگلے کی ہاؤس وارمنگ پارٹی میں تمام خانوں کو مدعو کیا لیکن سوائے شاہ رخ کے کوئی نہیں پہنچا۔

اب نہ جانے یہ گروپ بندی مستقبل میں کیا رنگ لاتی ہے لیکن ہمیں لگتا ہے کہ بالی وڈ اب سیاست کا اکھاڑہ بن چکا ہے۔ کیا خیال ہے آپ کا؟

شلپا کی قسمت

	برطانوی ریلٹی شو’ بگ بردر‘ میں شریک ہونے کے بعد شلپا پر قسمت کی دیوی ایک بار پھر مہربان ہے

اس کام کے لیے انہیں ایک دو نہیں بلکہ دس کروڑ روپے کی پیشکش ہوئی ہے۔ ٹیلی ویژن کی تاریخ میں اب تک کسی کو ایک شو کی میزبانی کی اتنی قیمت نہیں ملی۔

اکشے کا انکار
یہ اور بات ہے کہ کچھ معاملات میں شلپا کی تقدیر نے ان کا ساتھ نہیں دیا۔ اکشے کے ساتھ ان کی محبت ناکام رہی۔

اب انہوں نے اپنے پروڈکشن کمپنی ’سی ٹو‘ کے تحت پہلی فلم میں اکشے کمار کو بطور ہیرو لینے کا فیصلہ کیا اور اکشے نے حامی بھی بھری لیکن پھر انکار کر دیا۔

شلپا ہمیں اس کا افسوس ضرور ہے لیکن کیا آپ کو پتہ نہیں کہ اکشے کی بیوی ٹوئینکل کھنہ ایسا کوئی خطرہ مول لینا نہیں چاہتی ہوں گی؟ اکشے کے انکار کی وجہ آپ کو اب سمجھ میں آگئی ہو گی۔

سیف کو ایوارڈ

	ان کی حالیہ فلم ’تارا رم پم‘ کامیاب رہی تھی

کرینہ نے اس پارٹی میں رقص کے ذریعہ لوگوں کا دل موہ لیا۔ ویسے اس پارٹی میں سلمان بھی ڈانس فلور پر تھرکے۔گزشتہ برس انہیں اور شلپا کو یہ ایوارڈ ملا تھا۔

ہم جنس پرست فلم!
کیا کرن جوہر کی فلم ’دوستانہ‘ ہم جنس پرستی پر مبنی ہے؟ یہ سوال ہر کوئی اس وقت سے کر رہا ہے جب سے فلم کے ٹریلر کی نمائش شروع ہوئی۔

اس فلم میں جان ابراہام فلم کی ہیروئین پرینکا سے کہتے ہیں کہ جی ہاں وہ ’گے‘ ہیں اور ابھیشیک ان کے بوائے فرینڈ۔ فلم میں جان اور ابھیشیک کو ایک دوسرے کو بوسہ دیتے بھی دکھایا گیا ہے۔

ویسے یہ کوئی حیرت کی بات نہیں ہوگی۔ آپ نے کرن جوہر کی فلم ’ کل ہو نہ ہو‘ تو دیکھی ہو گی جس میں سیف اور شاہ رخ کے ساتھ کانتا بین کے کچھ مناظر تھے۔ ایسا مذاق کرنے کی ہمت کرن جوہر ہی کر سکتے ہیں۔

شاہد ’کمینے‘

	شاہد کپور بالی وڈ میں چاکلیٹ ہیرو کے طور کے پر جانے جاتے ہیں

اب دیکھنا یہ ہے کہ کیا وہ سیف علی خان کی طرح اپنے کردار کے ساتھ پورا انصاف کر پائیں گے؟

کالی بلی کی دوستی
کالی بلی اور کرینہ میں آخر دوستی ہو ہی گئی۔ آپ پوچھیں گے یہ کالی بلی کون ہے تو بتا دیں کہ کرینہ بپاشا کو ہمیشہ سے کالی بلی کہتی آئی ہیں۔

کرینہ اور بپاشا کے درمیان سرد جنگ تو سن دو ہزار ایک سے چل رہی تھی جب فلم ’اجنبی‘ میں دونوں ایک ساتھ تھیں۔ لیکن اس جنگ میں جان کے خلاف کرینہ کے ریمارکس نے آگ میں گھی ڈالنے کا کام کیا تھا۔

اب کرینہ نے پہل کی اور بپاشا کو سیف کی سالگرہ پارٹی میں مدعو کر لیا۔ کیا شاہ رخ اور سلمان کے درمیان اختلافات اسی طرح ختم ہوں گے۔ پورا بالی وڈ اس کا منتظر ہے۔

سلمان کے بائیک رائڈرز

	اس وقت سلمان خان کی سب سے خاص دوست قطرینہ مانی جاتی ہيں

برازیل کی حسینہ برونا عبداللہ کے بعد اب لوگوں نے صبح کے دو بجے سے چار بجے کے دوران سلمان کے ساتھ بائیک پر اداکارہ جیکولین فرنانڈیز کو دیکھا۔

جیکولین اس وقت سوجے گھوش کی فلم ’الہ دین ‘ میں کام کر رہی ہیں۔ ہمیں قطرینہ کے ردعمل کا انتظار ہے۔

زید ہسپتال پہنچے
زید خان سٹنٹ کرنے کے چکر میں ہسپتال کے بستر پر پہنچ گئے۔

فلم ’بلیو‘ کی تھائی لینڈ میں شوٹنگ ہو رہی تھی۔ زید خان کو بیس فٹ کی اونچائی سے نیچے کار پر چھلانگ لگانی تھی۔ اب کار پر پیروں کے بل کھڑے ہونے کی بجائے زید نے اپنا سر ہی ونڈ سکرین سے ٹکرا دیا۔ پھر کیا تھا ان کے سر سے خون بہنے لگا۔ زید ایمبولینس میں ہسپتال پہنچے۔ اب ان کے سر میں ٹانکے لگے ہیں۔

زید آخر اتنا خطرہ مول لینے کی کیا ضرورت تھی؟ مانا کہ آپ اپنی اس فلم میں سنجے دت جیسے کامیاب اداکار اور ایکشن ہیرو اکشے کمار کی برابری کرنے کی کوشش میں ہیں لیکن اس کا یہ مطلب تو نہیں کہ آپ اپنی جان پر کھیل جائیں!