احمد رضا بی بی سی اردو ڈاٹ کام، کراچی

	سندھ میں دوسری جماعتوں کو بھی ساتھ لے کر چلیں گے: پی پی پی

قائم علی شاہ وزارت اعلیٰ کے لیے نامزد

اینٹی کالا باغ ایکشن کمیٹی  قائم علی شاہ سندھ میں بننے والی اینٹی کالا باغ ڈیم اینڈ تھل کینال ایکشن کمیٹی کے کنوینر بھی رہے ہیں جو اب غیرفعال ہوچکا ہے۔ یہ اتحاد مختلف وفاقی اور سندھ کی قوم پرست جماعتوں پر مشتمل تھا جو جنرل پرویز مشرف کے اقتدار میں آنے کے کچھ برسوں بعد دریائے سندھ پر مزید ڈیموں اور کینالوں کی تعمیر کے خلاف جدوجہد کرنے کی غرض سے تشکیل دیا گیا تھا۔ ان کی کچھ رکن جماعتیں بعد میں اے پی ڈی ایم میں شامل ہوگئیں۔

وہ 1970ء کے بعد سے اپنے آبائی ضلع خیرپور سے عام انتخابات کے دوران چھ بار رکن سندھ اسمبلی منتخب ہوئے ہیں۔ وہ 1997ء میں مسلم لیگ (ن) کے سید غوث علی شاہ سے ہار گئے تھے۔ تاہم اس کے بعد پارٹی کے ٹکٹ پر وہ سینیٹر منتخب ہوگئے تھے۔

ذوالفقار علی بھٹو کے دور حکومت میں بھی وہ صوبائی وزیر رہ چکے ہیں۔ جنرل ضیاء الحق نے ملک کے اقتدار پر قبضہ کرنے کے بعد پیپلز پارٹی کے جن رہنماؤں کو جیلوں میں ڈالا تھا ان میں قائم علی شاہ بھی شامل تھے۔

قائم علی شاہ سندھ میں بننے والی اینٹی کالا باغ ڈیم اینڈ تھل کینال ایکشن کمیٹی کے کنوینر بھی رہے ہیں جو اب غیرفعال ہوچکا ہے۔ یہ اتحاد مختلف وفاقی اور سندھ کی قوم پرست جماعتوں پر مشتمل تھا جو جنرل پرویز مشرف کے اقتدار میں آنے کے کچھ برسوں بعد دریائے سندھ پر مزید ڈیموں اور کینالوں کی تعمیر کے خلاف جدوجہد کرنے کی غرض سے تشکیل دیا گیا تھا۔ ان کی کچھ رکن جماعتیں بعد میں اے پی ڈی ایم میں شامل ہوگئیں۔

ان کی صاحبزادی نفیسہ شاہ بھی سیاست میں ہیں۔ وہ برطانیہ کی آکسفورڈ یونیورسٹی سے فارغ التحصیل ہیں۔ پہلے انسانی حقوق کی کارکن اور صحافی تھیں لیکن 2002ء میں انہوں نے پیپلز پارٹی کے عوام دوست پینل سے ضلع خیرپور کے ضلع ناظم کے عہدے کے لیے الیکشن لڑا جس میں وہ کامیاب ہوئیں۔

اس بار پیپلز پارٹی نے انہیں قومی اسمبلی کی خواتین کی مخصوص نشستوں کے لیے اپنی سرفہرست امیدواروں میں نامزد کیا ہے اور قوی امکان ہے کہ مخصوص نشستوں پر منتخب ہونے والے امیدواروں میں وہ بھی شامل ہوں گی۔