క్రికెట్ వరల్డ్ కప్ 2019 : వన్డేల్లో ఆల్‌టైమ్ అత్యుత్తమ భారత జట్టు ఇదేనా... క్రికెట్ ఫ్యాన్స్ డ్రీమ్ టీమ్‌లో ఎవరెవరున్నారు?

భారత్, పాకిస్తాన్ మ్యాచ్‌ను పురస్కరించుకొని 'బీబీసీ స్పోర్ట్' ఓ పోల్ నిర్వహించింది.

ఇప్పటివరకూ భారత జట్టులో ఆడిన ఆటగాళ్ల నుంచి 11 మందిని ఎంచుకుని తమకు ఇష్టమైన వన్డే జట్టును ఎంపిక చేయాలని పాఠకులను కోరింది.

దాదాపు 12 వేల మంది దీనికి స్పందించారు. తమకు ఇష్టమైన జట్లను ఎంచుకున్నారు.

ఎక్కువ మంది పాఠకుల జట్లలో చోటు దక్కించుకున్న ఆ 11 మంది ఆటగాళ్లు వీరే...

1. రోహిత్ శర్మ (57%)

(వన్డేలు: 208; పరుగులు: 8,189; సగటు: 48.17; అత్యుత్తమం: 264)

మీకు తెలుసా? వన్డేల్లో అత్యధిక వ్యక్తిగత స్కోరు చేసిన రికార్డు రోహిత శర్మదే. 2014లో అతడు శ్రీలంకతో జరిగిన మ్యాచ్‌లో 264 పరుగులు చేశాడు. వన్డేల్లో రోహిత్ శర్మ మొత్తంగా మూడు డబుల్ సెంచరీలు చేశాడు. ఇంకెవరికీ ఇది సాధ్యం కాలేదు.

2. వీరేంద్ర సెహ్వాగ్ (46%)

(వన్డేలు: 251; పరుగులు: 8,273; సగటు: 35.06; అత్యుత్తమం: 219)

మీకు తెలుసా? వన్డేల్లో మూడో అత్యధిక వ్యక్తిగత స్కోరు సెహ్వాగ్‌దే. 2011లో వెస్టిండీస్‌పై 219 పరుగులు చేశాడు.

3. కోహ్లీ (92%)

(వన్డేలు: 229; పరుగులు: 10,943; సగటు: 59.47; అత్యుత్తమం: 183)

మీకు తెలుసా? వన్డేల్లో 2వేల పరుగులు పూర్తి చేసుకున్న ఆటగాళ్లలో అత్యధిక బ్యాటింగ్ సగటు కోహ్లీదే.

4. సచిన్ తెందుల్కర్ (97%)

(వన్డేలు: 463; పరుగులు: 18,426; సగటు: 44.83; అత్యుత్తమం: 200*)

మీకు తెలుసా? వన్డేల చరిత్రలో అత్యధిక పరుగులు చేసిన ఆటగాడు సచిన్ తెందుల్కరే. తన కెరీర్‌లో 452 ఇన్నింగ్స్‌ల్లో బ్యాటింగ్ చేసిన సచిన్, 44.8 సగటుతో 18,426 పరుగులు చేశాడు. 49 సెంచరీలు చేశాడు.

5. యువరాజ్ సింగ్ (61%)

(వన్డేలు: 304; పరుగులు: 8,701; సగటు: 36.56; అత్యుత్తమం: 150)

మీకు తెలుసా? వన్డేల్లో కనీసం 100 వికెట్లు తీసి, అత్యధిక పరుగులు చేసిన ఆటగాళ్లలో యువరాజ్‌ది మూడో స్థానం.

6. ధోని (98%)

(వన్డేలు: 343; పరుగులు: 10,561; సగటు: 50.53; అత్యుత్తమం: 183*, 315 క్యాచ్‌లు & 121 స్టంపింగ్‌లు)

మీకు తెలుసా? వన్డేల్లో అత్యధిక స్టంపింగ్స్ చేసిన ఆటగాడు ధోనీనే. మొత్తంగా అతడు 436 మందిని ఔట్ చేశాడు.

7. కపిల్ దేవ్ (79%)

(వన్డేలు: 225; పరుగులు: 3,783; సగటు: 23.79; అత్యుత్తమం: 175*; వికెట్లు: 253; సగటు: 27.45)

మీకు తెలుసా? 250కు పైగా వికెట్లు తీసిన ఆరు భారత బౌలర్లలో కపిల్‌దేవ్ కూడా ఒకరు. పదికి పైగా వికెట్లు పడగొట్టిన భారత ఆటగాళ్లలో అత్యుత్తమ ఎకానమీ రేటు (3.7) కూడా కపిల్‌దే.

8. అనిల్ కుంబ్లే (78%)

(వన్డేలు: 271; వికెట్లు: 337; సగటు: 30.90; అత్యుత్తమం: 6-12)

మీకు తెలుసా? భారత బౌలర్లలో అత్యధిక వికెట్లు తీసిన ఆటగాడు కుంబ్లేనే.

9. హర్భజన్ సింగ్ (46%)

(వన్డేలు: 236; వికెట్లు: 269; సగటు: 33.36; అత్యుత్తమం: 5-31)

మీకు తెలుసా? అత్యధిక వికెట్లు తీసిన భారత స్పిన్నర్లలో జాబితాలో హర్భజన్ సింగ్‌ది రెండో స్థానం.

10. జహీర్ ఖాన్ (70%)

(వన్డేలు: 200; వికెట్లు: 282; సగటు: 29.44; అత్యుత్తమం: 5-42)

మీకు తెలుసా? శ్రీలంకతో ఆడిన మ్యాచ్‌ల్లో జహీర్ 66 వికెట్లు పడగొట్టాడు. ఒకే ప్రత్యర్థి జట్టుపై ఇన్ని వికెట్లు తీసిన భారత బౌలర్లు మరెవరూ లేరు.

11. జస్‌ప్రీత్ బుమ్రా (66%)

(వన్డేలు: 51; వికెట్లు: 90; సగటు: 21.99; అత్యుత్తమం: 5-27)

మీకు తెలుసా? బుమ్రా అరేంగట్రం (2016) చేసినప్పటి నుంచి ఒక్కరు మినహా మరే ఫాస్ట్ బౌలరూ అతడి కన్నా ఎక్కువ వికెట్లు తీయలేదు. బౌల్ట్ మాత్రమే ఈ కాలంలో 101 వికెట్లు తీసి బుమ్రా కన్నా ముందున్నాడు.

పై గణాంకాలన్నీ 2019, జూన్ 14 వరకూ నమోదైనవి.

(మీకు ఇష్టమైన భారత వన్డే జట్టును ఎంచుకునేందుకు ఈ లింక్‌ను క్లిక్ చేయండి)

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)