అత్యుత్తమ నగరాల జాబితాలో చోటు లేని భారత్

16 ఆగస్టు 2018

ప్రపంచ అత్యుత్తమ నివాస యోగ్యమైన నగరంగా ఈ ఏడాది ఆస్ట్రియా రాజధాని వియన్నా నిలిచింది.

గత ఏడాది వరకూ వరసగా ఏడేళ్లపాటు ఈ స్థానంలో ఆస్ట్రేలియాలోని మెల్‌బోర్న్‌ నగరం ఉండేది.

ఎకనమిస్ట్ ఇంటలిజెన్స్ యూనిట్ (ఈఐయు) ఇచ్చే ఈ ర్యాంకుల్లో యూరప్ నగరం ప్రథమ స్థానంలో నిలవడం ఇదే తొలిసారి.

రాజకీయ, సామాజిక పరిస్థితులు, నేరాలు, విద్య, వైద్య సదుపాయాలు వంటి అంశాల ఆధారంగా 140 నగరాలకు ర్యాంకులు ఇచ్చారు.

ఈ ర్యాంకుల్లో దిల్లీ 112వ స్థానంలో, ముంబయి 117వ స్థానంలో ఉన్నాయి.

ఈ వార్షిక సర్వేలో యూరప్‌ దేశాల్లో అత్యధిక పురోగతి సాధించిన నగరంగా ఇంగ్లండ్‌లోని మాంచెస్టర్ నిలిచింది. ఈ నగర ర్యాంకు 16 స్థానాలు పెరిగి 35కి చేరింది.

భద్రతపరంగా మెరుగైన స్కోరు సాధించడంతో మాంచెస్టర్ ర్యాంకు పెరిగిందని ఈఐయు తెలిపింది.

ఫొటో క్యాప్షన్, గతేడాది వరకు ఏడేళ్లపాటు వరుసగా ఆస్ట్రేలియాలోని మెల్‌బోర్న్ నగరం అగ్రస్థానంలో కొనసాగింది.

టాప్ 10 జాబితాలో కెనడా నుంచి మూడు నగరాలు, ఆస్ట్రేలియాలకు చెందినవి మూడు నగరాలు ఉన్నాయి. భారత్, బ్రిటన్, అమెరికాలకు చెందిన ఒక్క నగరమూ టాప్ 10లో లేవు. లండన్ 48వ స్థానంలో ఉంది.

Skip ఎక్కువమంది చదివినవి and continue reading

ఎక్కువమంది చదివినవి

End of ఎక్కువమంది చదివినవి

ఈ సర్వే ప్రకారం.. గతేడాదితో పోల్చితే దాదాపు సగం నగరాల స్థానాలు మెరుగుపడ్డాయి.

హింసాత్మక ఘటనలతో అతలాకుతలమైన సిరియాలోని డమాస్కస్ 140 నగరాల జాబితాలో అట్టడుగున ఉంది. దాని తర్వాతి స్థానాల్లో బంగ్లాదేశ్‌లోని ఢాకా, నైజీరియాలోని లాగోస్ నగరాలు ఉన్నాయి.

అట్టడుగున ఉన్న 10 నగరాల ర్యాంకుల్లో నేరాలు, అశాంతి, యుద్ధం "కీలక పాత్ర" పోషించాయని ఈఐయు తెలిపింది.