రోహిత్ సెంచరీ.. కోహ్లీ రికార్డు బ్రేక్

వెస్టిండీస్‌తో జరుగుతున్న రెండో టీ20 మ్యాచ్‌లో భారత బ్యాట్స్‌మన్ రోహిత్ శర్మ మరో రికార్డు సృష్టించాడు.

టీ 20ల్లో అత్యధిక పరుగులు సాధించిన భారత ఆటగాడుగా రికార్డు సృష్టించాడు.

ఈ మ్యాచ్‌లో సెంచరీ పూర్తి చేసిన రోహిత్ 86 టీ20ల్లో మొత్తం 2203 పరుగులు చేశాడు.

ఇప్పటి వరకూ ఈ రికార్డు కోహ్లీ పేరిట ఉంది.

ఈ రోజు మ్యాచ్ మొదలుకాక మందు రోహిత్ అత్యధిక పరుగుల రికార్డుకు కేవలం 11 పరుగుల దూరంలోనే ఉన్నాడు.

ఇప్పటి దాకా 2102 పరుగులతో కోహ్లీ అత్యధిక పరుగులు చేసిన భారతీయ బ్యాట్స్‌మన్‌గా ఉన్నాడు.

ఈ మ్యాచ్‌లో రోహిత్ శర్మ 60 బంతుల్లో 111 పరుగులు చేసి నాటౌట్‌గా నిలిచాడు.

మొత్తం ఎనిమిది ఫోర్లు, ఏడు సిక్సర్లు బాదాడు. కోహ్లీ ఈ మ్యాచ్‌కి దూరంగా ఉన్న సంగతి తెలిసిందే.

ఈ మ్యాచ్‌లో భారత్ రెండు వికెట్లు నష్టపోయి 195 పరుగులు చేసింది.

తర్వాత బ్యాటింగ్ చేసిన వెస్టిండీస్ 20 ఓవర్లలో 9 వికెట్లు కోల్పోయి 124 పరుగులే చేయడంతో భారత్ 71 పరుగుల తేడాతో విజయం సాధించింది.

ఇవి కూడా చదవండి

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)