ఫ్రిజ్ ప్రమాదాలను ఎలా నివారించాలి? అసలు ఫ్రిజ్‌ను ఎలా ఉపయోగించాలి?

తమిళనాడులో కొన్ని రోజుల కిందట రిఫ్రిజిరేటర్ (ఫ్రిజ్) ‘పేలిన’ ప్రమాదంలో ఇద్దరు మహిళలు చనిపోయారు. మరికొందరు తీవ్ర అస్వస్థతకు గురయ్యారు.

మధురై జిల్లాలో పెరియార్ బస్ స్టేషన్ దగ్గర ఉన్న ప్రైవేట్ మహిళా వసతి గృహంలో సెప్టెంబర్ 12 ఉదయం 4:30 గంటలకు ఈ ప్రమాదం జరిగింది.

తెలుగు రాష్ట్రాల్లోనూ రిఫ్రిజిరేటర్ల ప్రమాదాలకు సంబంధించి వార్తలు అప్పుడప్పుడు వస్తుంటాయి.

మరి, ఇలాంటి ప్రమాదాలను నివారించడం ఎలా? నిపుణులు ఏం చెబుతున్నారు? అన్నది తెలుసుకుందాం.

సాంకేతిక నిపుణులు ఏమంటున్నారు?

రిఫ్రిజిరేటర్లను సరైన విధంగా ఉపయోగించకపోవడమే చాలా సందర్భాలలో ఇలాంటి ప్రమాదాలకు కారణమని కోయంబత్తూరులో 12 ఏళ్లుగా రిఫ్రిజిరేటర్లకు సంబంధించిన సాంకేతిక సమస్యలను పరిశీలిస్తున్న రాజేశ్ చెప్పారు.

రిఫ్రిజిరేటర్‌ను వారానికోసారి లేదా రెండు వారాలకోసారి శుభ్రం చేసుకోవాలని ఓ ప్రైవేట్ కంపెనీ టెక్నికల్ డిపార్ట్‌మెంట్‌లో పనిచేస్తున్న రాజేశ్ సూచిస్తున్నారు.

‘‘సాధారణంగా మనం మన ఇళ్లలో ఫ్రిజ్‌లను, ఫ్రిజ్‌లలాగా, ఎలక్ట్రానిక్‌ వస్తువుల్లాగా చూడం. వాటిపై ఏదో ఒకటి కప్పి ఉంచుతాం. వాటిని సరిగా శుభ్రం చేయం. పాత దుస్తులు, చెత్త, అట్టపెట్టెలు వంటి వస్తువులను వాటికి దగ్గరగా పెడతాం. ముందు వాటన్నింటినీ అలా పెట్టడం మానేయాలి’’ అని రాజేశ్ చెప్పారు.

‘‘కరెంటు కనెక్షన్‌లో అకస్మాత్తుగా ఏదన్నా సమస్య వచ్చినా, షార్ట్ సర్క్యూట్ అయినా మంటలు ముందు ఈ వస్తువులకు అంటుకుంటాయి. అయితే, అలాంటి ప్రమాదాలు జరిగినప్పుడు చాలామంది ఫ్రిజ్ పేలిందని అనుకుంటారు’’ అని రాజేశ్ అన్నారు.

చేయకూడనివి ఏమిటి?

‘‘టెక్నాలజీ ఎంతో మారిపోయింది. ప్రజలకు కావాల్సిన సమాచారం అంతా వారి చేతుల్లో ఉంది. దీంతో చాలా మంది ఎలక్ట్రానిక్ వస్తువులకు కావాల్సిన మరమ్మత్తులు ఇంటిదగ్గరే సొంతంగా చేసుకోగలమన్న నమ్మకంతో ఉన్నారు. వారు యూట్యూబ్ వంటి సైట్‌లకు వెళ్లి అక్కడ అందుబాటులో ఉన్న లక్షల వీడియోల్లో ఒకదాన్ని ఎంచుకుంటారు. కొందరు విడిభాగాలను కొని వీడియోలో చెప్పినట్టుగా మరమ్మత్తులు చేసుకుంటారు. కానీ అలా చేయడం సురక్షితం కాదు’’ అని రాజేశ్ చెప్పారు.

ఎలక్ట్రానిక్ వస్తువుల విషయంలో ఏం చేయకూడదనేదానిపై ఆయన సలహాలిస్తున్నారు.

చేయాల్సినవేంటి?

ఫ్రిజ్‌లో ఉన్న లోపాన్ని టెక్నీషియన్ సరిచేసే దాకా ఆ ఫ్రిజ్‌ను ఉపయోగించవద్దని రాజేశ్ సూచిస్తున్నారు.

“కొంచెం అదనంగా ఖర్చయినప్పటికీ.. నాణ్యమైన స్టెబిలైజర్లను వాడడం మంచిది. ఖర్చు తగ్గిద్దామన్న ఉద్దేశంతో కొందరు ISO సర్టిఫికేషన్ లేని నాసిరకం స్టెబిలైజర్లను కొని వాడతారు. కొన్నిసార్లు ఫ్రిజ్‌కు కావాల్సిన స్థాయిలో ఆ స్టెబిలైజర్ల నుంచి రక్షణ లేక.. ప్రమాదాలు జరుగుతుంటాయి’’ అని రాజేశ్ వివరించారు.

ఆయన ఇస్తున్న సూచనలు..

(బీబీసీ కోసం కలెక్టివ్ న్యూస్‌రూమ్ ప్రచురణ)

(బీబీసీ తెలుగును వాట్సాప్‌,ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)