2022 ஐபிஎல் ஏலம்: 14 கோடிகளுக்கு தீபக் சஹரை ஏலம் எடுத்துள்ள சென்னை சூப்பர் கிங்ஸ்

2022 ஆண்டுக்கான இந்தியன் ப்ரீமியர் லீக் வீரர்களுக்கான ஏலம் இன்று காலை 11 மணி முதல் பெங்களூரில் நடைபெற்று வருகிறது.

இந்த ஏலத்தில் சென்னை சூப்பர் கிங்ஸ், டெல்லி கேபிடல்ஸ், மும்பை இந்தியன்ஸ், கொல்கத்தா நைட் ரைடர்ஸ், சன்ரைசர்ஸ் ஹைதராபாத், ராஜஸ்தான் ராயல்ஸ், பஞ்சாப் கிங்ஸ், ராயல் சேலஞ்சர்ஸ் பெங்களூர், குஜராத் டைட்டன்ஸ் மற்றும் லக்னோ சூப்பர் ஜெயண்ட்ஸ் என மொத்தம் 10 அணிகளின் உரிமையாளர்கள் பங்கேற்றனர்.

2022 ஐபிஎல் ஏலத்தை ரசிகர்கள் மிகவும் ஆர்வமாக கவனித்துக் கொண்டிருந்த நிலையில், ஏலம் விட்டுக் கொண்டிருந்த ஹியூ எட்மியடெஸ் திடீரென மயங்கி விழுந்தார்.

இதனால், ஏற்பட்ட பரபரப்பில் ஏலம் தற்காலிகமாக நிறுத்தப்பட்டது.

அவர் மருத்துவமனைக்கு அழைத்துச் செல்லப்பட்டார். இந்நிலையில், ஏலம் மீண்டும் மதியம் 3:30 மணிக்கு தொடங்கப்படும் என்று பிடிஐ செய்தி நிறுவனம் தெரிவித்துள்ளது.

ஏலத்தில் யார் யார் எந்தெந்த அணிக்கு ஏலம் எடுக்கப்பட்டனர் என்ற சில முக்கிய தகவல்களை இங்கே தொகுத்து வழங்கியுள்ளோம்.

பிற செய்திகள்:

சமூக ஊடகங்களில் பிபிசி தமிழ்: