பானைக்குள் தலையைவிட்டு மாட்டிக்கொண்ட சிறுத்தை

ராஜஸ்தான் மாநிலத்தில் ஒரு பானைக்குள் தலையை விட்டு மாட்டிக்கொண்ட ஆண் சிறுத்தை ஒன்று ஐந்து மணி நேரத்திற்குப் பிறகு மீட்கப்பட்டது.

தண்ணீரைத் தேடி அலைந்தபோது, தவறுதலாக அந்தப் பானைக்குள் தலையை விட்டு சிறுத்தை மாட்டிக்கொண்டதாக உள்ளூர் மக்கள் தெரிவித்தனர்.

பிறகு வனத்துறையினர் அந்த சிறுத்தைக்கு மயக்க ஊசி போட்டு, பானையை அறுத்து சிறுத்தையை விடுவித்தனர்.

சமீபத்தில் மேற்கொள்ளப்பட்ட வனவிலங்குக் கணக்கெடுப்பின்படி, இந்தியாவில் 12 ஆயிரத்திலிருந்து 14 ஆயிரம் சிறுத்தைகள் இருக்குமெனக் கணக்கிடப்பட்டிருக்கிறது.