Шумори куштагони фаластинии ҳамалоти Исроил аз 120 гузашт
Image copyrightReutersМақомҳои фаластинӣ мегӯянд аз оғози таҳоҷуми ҷадиди Исроил ба Ғазза беш аз 122 фаластинӣ кушта шудаанд.
Ба гуфтаи Созмони Милали Муттаҳид, 75 дарсади кушташудагон ғайринизомӣ будаанд. Манобеъи бемористонӣ дар Ғазза мегӯянд дар ҳамлаи ҳавоии тозаи Исроил ба сохтмони мутаъаллиқ ба як бунёди хайрия дар шаҳри Байт Лоҳиё ду навҷавони маълул кушта шуданд.
Ҳамалоти ҳавоии Исроил ба Ғазза чаҳор чаҳор рӯз пеш шурӯъ шуд ва шаби гузашта низ идома дошт.
Шаби гузашта, партоби рокет аз ҷониби Ғазза ба хоки Исроил низ идома ёфт ва ожири (сигноли) ҳамлаи ҳавоӣ дастикам дар ду минтақа аз ҷануби Исроил ба садо даромад.
Гуфта мешавад дар Созмони Милал музокироти фишурдае барои барқарории оташбас дар ҷараён аст.
Бинёмин Нетонёҳу, нахуствазири Исроил, рӯзи ҷумъаи 20 тир (11 июл) гуфт то замоне ки Ҳамос мушакпаронӣ ба хоки Исроилро мутаваққиф накунад, ба ҳамалоти худ ба фаластиниҳо идома хоҳад дод.
Ӯ гуфт: "Ҳеч фишори байналмилалӣ наметавонад боъис шавад, ки мо бо тамоми қуво вориди амал нашавем.
Оқои нетонёҳу гуфт, ки Исроил аз сешанбе то кунун беш аз ҳазор ҳадаф дар Навори Ғаззаро мавриди ҳамла қарор додааст.
Пештар Новӣ Пилой, кумисери олии ҳуқуқи башари Созмони Милали Муттаҳид, аз Исроил хоста буд ғайринизомиёни фаластиниро ҳадафи мушак қарор надиҳад.
Хонум Пилой дар иттилоъияе гуфт афзоиши шумори кушташудагони фаластинӣ ин шубҳаро ба вуҷуд оварда, ки оё амалиёти низомии Исроил мутобиқи қавонини байналмилалӣ аст ё на.
Вай ҳамчунин гуфт, ки таҷҳизоти низомӣ набояд дар манотиқи маскунӣ қарор бигирад. Исроил гурӯҳи Ҳамосро муттаҳам мекунад, ки мушакҳоро аз дохили хонаҳои шаҳрвандон партоб мекунад.
