Taji la kifalme linalong'aa juu ya jeneza la Malkia

Jeneza la Malkia sasa liko katika jimbo la Westminster Hall baada ya kusindikizwa kutoka Buckingham Palace na Mfalme Charles, Princes William na Harry na wakuu wengine wa familia ya kifalme.

Juu ya jeneza kuna Taji linalojulikana zaidi kama taji lenye vito likiwa na thamani ya makumi ya maelfu ya vito vilivyokusanywa kwa karne nyingi na wafalme na malkia wa Uingereza.

Taji hilo linang'arishwa kwa karibu na mawe 3,000 ikiwa ni pamoja na almasi 2,868, lulu 273, sapphire 17, emeralds 11 na rubi tano.

"Inaweza kuwa ngumu sana kulitazama wakati mwingine kwa sababu ya mwanga mwingi unaotoka. Inang'aa sana ... inazidi uwezo wa kuona," anasema mwanahistoria na mwandishi wa The Crown Jewels, Anna Keay.

Anasema kihistoria, tangu Enzi za Kati, mataji yalionekana kama ishara ya utajiri na hadhi.

"Inaashiria ukuu, inaashiria uhuru."

Lilitengenezwa mnamo 1937 wakati wa kutawazwa kwa baba wa Malkia, Mfalme George VI, Taji la vito lilibuniwa kuwa jepesi na kutoshea vizuri zaidi, kuliko taji iliyobadilishwa ambalo lilianzia kwa Malkia Victoria. Lakini hata hivyo, Taji hilo bado lina uzani wa palbs 2.3 (1.06kg).

Wakati wa utawala wake, Malkia Elizabeth II alilivaa kila mwaka katika Ufunguzi wa Bunge kitaifa alipokuwa akikaa kwenye kiti cha enzi cha dhahabu akisoma mipango muhimu ya serikali ya mwaka ujao.

Mnamo mwaka 2018, Malkia alitania namna alivyohisi uzito wa taji alipokuwa akivaa.

"Huwezi kutazama chini kusoma hotuba, lazima uiweke hotuba juu, kwa sababu ikiwa uyafanya hivyo shingo yako itavunjika," alielezea Majesty.

"Kuna hasara kadhaa za taji, lakini vinginevyo ni mambo muhimu sana."

Mwaka 2019, wakati mfalme alikuwa na umri wa miaka 90, taji jepesi ndio lilitumiwa na mnamo 2021, mara ya mwisho kushiriki katika sherehe hiyo, hakuvaa hata kidogo.

Vito vya taji vinajumuisha almasi ya Cullinan II ya karati 317 ambayo wakati mwingine huitwa Nyota ya Pili ya Afrika. Imekatwa kutoka katika almasi kubwa zaidi kuwahi kupatikana, alipewa Edward VII katika siku yake ya kuzaliwa ya miaka 66 na serikali ya Transvaal - koloni la zamani la Uingereza ambayo ni Afrika Kusini ya sasa.

Pia inajumuisha jiwe la thamani kongwe zaidi katika mkusanyo wa kifalme - sapphire ambalo linasemekana kuwa lilivaliwa kwenye pete na mfalme wa Karne ya 11 wa Uingereza, St Edward the Confessor. Jiwe hilo sasa limewekwa katikati ya msalaba ulio juu ya taji.

Malkia alivutiwa sana na jiwe kubwa jekundu kwenye taji linalojulikana kama Ruby ya Mwanamfalme Mweusi. Inafikiriwa kuwa ilivaliwa mnamo 1415 wakati wa Vita vya Miaka Mia na Henry V kwenye mapigano ya Agincourt - wakati vikosi vya Uingereza vilipopigana na Ufaransa kusini mwa Calais.

Hadithi inadai kwamba mfalme aliweka manyoya kwenye shimo lililotobolewa kwenye rubi. "Inafurahisha kuona," Malkia aliiambia BBC mnamo 2018, "wazo kwamba manyoya yake yaliwekwa kwenye jiwe kwenye kofia yake -hawakufiri vizuri, lakini ndivyo walivyofanya, nadhani, siku hizo. "

Mtangazaji wa BBC Clive Myrie ambaye alipewa fursa ya kulifikia taji kwa karibu mapema mwaka huu wakati utayarishaji wa filamu ya BBC alielezea kuwa aliona kama "maajabu".

"Kung'aa kwa almasi ni kitu cha ajabu kabisa."

Kwa ufikiaji usio na kifani wa teknolojia ya hivi karibuni, Clive Myrie anaonyesha historia nzuri, ya kushangaza na ngumu iliyo ndani ya Vito vya Taji.

Lakini kuweka bei kuhusu kiasi gani Taji na Vito vyote vya Taji ni haiwezekani kabisa. Mtaalamu wa kifalme Alastair Bruce aliiambia BBC kwamba mkusanyiko huo ulikuwa zaidi ya thamani ya fedha.

"Kuiita kuwa ya thamani ni jambo la busara, lakini unaweza kuongeza sifuri nyingi kama vile kuna almasi kwenye mkusanyiko."

Wakati halitumiki, Taji hilol huonyeshwa hadharani katika Jumba la vito vya thamani la Tower of London ambalo limekuwa makazi ya Taji hilo kwa zaidi ya miaka 600.

Kufuatia mila, Mfalme Charles III atavaa Taji la St Edward kwa kutawazwa kwake, lakini atavaa Taji la vito kuondoka Westminster Abbey mwishoni mwa sherehe. Kisha, kama ilivyokuwa kwa mama yake kabla yake, atavaa Taji hilo wakati wa ufunguzi wa Bunge na vile vile katika hafla zingine rasmi.