Sababu za kwa nini Jeans asilia zilikuwa za Bluu na kwanini zinaitwa Jeans au Denim

Jeans, ambayo Chuo cha Lugha inapendelea inavyoitwa "jeans", inaweza kutumika kama maana mbadala ya neno ubiquity. Ingawa katika sehemu chache ulimwenguni matumizi yake yamezuiwa, inaonekana kuwa jeans zipo kila mahali, kuanzia Azabajani hadi Zimbabwe, kutoka Greenland kaskazini hadi miji ya kusini zaidi ya Chile.

Kwa hakika, kulingana na Mradi wa Global Denim, ambao ulichambua historia, nyanja, uchumi na matokeo ya jeans kutawala kimataifa, katika siku yoyote katika mwaka wowote, idadi kubwa ya watu duniani huvaa angalau bidhaa moja ya nguo hizi zenye vitaambaa vigumu.

Wanahistoria bado wanajadili mahali ilipozaliwa, lakini mojawapo ya maoni yaliyozungumzwa zaidi ni kwamba ilikuwa Nimes, Ufaransa.

Kwa bahati mbaya, kama mara nyingi ambavyo wakati wa utengenezaji, ilicheza sehemu yake.

Wafumaji katika mji wa Nimes walikuwa wakijaribu kuiga na kutengeneza nakala kutoka katika kitambaa cha pamba kali kinachojulikana kama ' jean fustian ', pamba thabiti ya zama za kati na kitambaa cha kitani kilichotengenezwa Genoa, ambacho kiliandikwa Gene au Genes katikati ya karne ya 16 Ufaransa.

Ingawa walishindwa, waligundua kuwa walikuwa wametengeneza kitambaa sugu na kigumu kuliko vingine.

Ilikuwa ni pamba iliyosokotwa ambayo walitengeneza kwa kupitisha chini ya nyuzi za mlalo (zile ambazo zimelala kwenye kitanzi na kuunda kitambaa).

Walitumia rangi ya indigo (mchanganyiko wa rangi ya blue na violet zilizokolea), moja ya rangi za zamani zaidi ili kupaka nyuzi rangi ya bluu, lakini kuziacha nyuzi zenye rangi nyeupe asilia.

Mchakato huo ulitoa kitambaa rangi ya bluu ya pekee upande mmoja na nyeupe kwa upande mwingine.

Waliita Serge de Nîmes au Spanish sarga de Nimes. Jambo la msingi, ni kwamba, katika karne ya 17, ilikuja kwa Kiingereza kama "twill denim".

Mtazamo

Kwa hivyo kitu sawa na denim kilikuwepo kwa muda, kilichotiwa rangi ya indigo kutoka katika mashamba makubwa nchini India.

Lakini jeans kama tunavyozijua zilikuja baadaye kidogo baada ya kukutana kwa Jākobs Jufess wa asili ya Kilatvia, na Mjerumani, Löb Strauß.

Kama wahamiaji wengi wapya waliohamia Marekani katika karne ya 19, walibadilisha majina yao walipofika: Jacob Davis na Levi Strauss.

Katika miaka ya 1870 mshona nguo Davis alipewa kazi ya kutengeneza suruali imara sana ya kazi.

Alikuwa na hisia kwamba ikiwa angechukua kipande cha riveti ndogo ya chuma na kuiweka kwenye sehemu za mkazo za suruali, karibu na eneo la mfukoni, angeweza kuunda jozi ya kudumu sana.

Mtazamo iligeuka kuwa sahihi.

Suruali hiyo ilipokelewa vizuri sana kiasi kwamba habari zilianza kuenea na akapokea maombi mengi sana hivyo aliamua kumwandikia msambazaji wake wa vitambaa, Levi Strauss huko San Francisco na kuuliza kama angependa kupata hati miliki.

Strauss alichukua fursa hiyo, akamwalika Jacob Davis kuhamia San Francisco, na kwa pamoja wakatengeneza jeans ya kwanza duniani.

Rangi waliyokuwa nayo

Hapo awali walitoa aina mbili: canvas (Turbai) ya kahawia na Kitambaa kigumu cha bluu.

Lakini ingawa jeans za bluu ziliuzwa kwa wingi, wachache walitaka zingine.

Kulingana na mwanahistoria Lynn Downey katika "Historia fupi ya Denim," sababu labda ilikuwa kwamba "mara tu mtu alipovaa jozi ya jeans ya bluu, waliona jinsi zilivyowakaa vizuri zaidi kila baada ya kusafisha, hawakutaka kitambaa cha Canvas, kwa sababu ukiwa na zile kila mara unahisi kana kwamba una hema lililowekwa".

Hata hivyo, hiyo haielezi kwa nini rangi iliyopendekezwa ilikuwa indigo ileile ambayo wafumaji wa Nimes walikuwa wametumia karne nyingi zilizopita.

Ingawa kuna ukweli kidogo. Jeans ya asili ilitiwa rangi kutoka kwa mmea wa Indigofera tinctoria.

Tofauti na rangi nyingi za asili ambazo, kwa joto la juu, hupenye katika nyuzi za kitambaa moja kwa moja, indigo inashikilia nje tu ya nyuzi.

Kufua jeans vibaya huondoa baadhi ya molekuli hizi za rangi, kuchukua kiasi kidogo cha nyuzi pamoja, lakini kwa sababu nyenzo zina nguvu sana, kupoteza nyuzi chache hakuharibu.

Kwa kweli, inaboresha, kwa sababu unapofua zaidi, inakuwa laini zaidi.

Kwa wafanyakazi, vazi lenye nguvu za kutosha kustahimili kazi ngumu ambalo lilikuja kuwa la kustarehesha lakini si maridadi, lilikuwa bora.

Kwa namna fulani, ni kitambaa kinachoonekana vizuri zaidi kadiri inavyozeeka ni uvumbuzi kamili.