Jeshi la wanamaji la India linajiandaa vipi kukabiliana na ubabe wa China katika silaha?

Kumekuwa na ripoti kwenye vyombo vya habari vya ndani kwamba Jeshi la India, haswa Jeshi la Wanamaji, linajiandaa kukabiliana na uingiliaji unaokua wa Wachina katika eneo la Indo-Pacific na linaongeza uwezo wake ipasavyo.

Mzozo wa mpaka na China umekuwa ukiendelea kwa miaka mitatu iliyopita. Licha ya duru kadhaa za mazungumzo kati ya nchi hizo mbili, hakuna suluhisho lililopatikana.

India inaongeza ushirikiano wa kijeshi na nchi zingine za Asia ili kukabiliana na China. Pia, lengo ni kuongeza manowari mpya kwa jeshi la wanamaji na uboreshaji wa zana za kijeshi.

Vitendo vya jeshi la wanamaji ni vipi?

Katika kukabiliana na ongezeko la kuingiliwa kwa Uchina katika Bahari ya Hindi, India inazingatia kuongeza uwezo wake wa baharini. Kutoka kuongeza ushirikiano na nchi za Kusini-mashariki mwa Asia hadi kutengeneza manowari, inachukua hatua kadhaa.

India imetuma manowari 17 tangu mwanzoni mwa 2023. Lakini Uchina ina manowari mara tatu zaidi.

Jeshi la Wanamaji la India, pamoja na Kikundi cha Wanamaji cha Ufaransa, watajenga manowari tatu za dizeli kwa teknolojia ya Air Independent Propulsion (AIP), kulingana na Hindustan Times.

Zinajengwa na Majgaon Dock Shipbuilders Limited huko Mumbai. Kampuni tayari imeunda manowari sita za kiwango cha Calvary zilizoundwa kwa manowari ya kiwango cha Scorpion ya Ufaransa. Manowari ya sita katika safu hiyo, INS Vagir (S26), inatarajiwa kuingia baharini mnamo 2024.

"Manowari inaweza kufanya kazi nyingi kama vile vita dhidi ya ardhi, vita dhidi ya manowari, ujasusi, kutega milipuko, uchunguzi, na kadhalika,".

"Jeshi la wanamaji la China linatarajiwa kuongeza meli 400 zaidi ifikapo 2025 na meli 440 ifikapo 2030... Nchini India, jeshi la wanamaji litahitaji kujenga angalau manowari 24 zaidi ili kufikia lengo la mpango wa ujenzi wa manowari wa miaka 30,".

India inafanya juhudi kuongeza uwezo wake sio tu baharini bali pia angani. Kuna mipango ya kuongeza idadi ya ndege zisizo na rubani kwa uchunguzi.

Kulingana na ripoti nyingine katika India Today, Jeshi la Wanamaji la India limekodisha ndege isiyo na rubani ya MQ-9 mnamo Aprili 2023 ili kufuatilia maeneo karibu na Visiwa vya Andaman na Nicobar. Maeneo haya yanapatikana karibu na Visiwa vya Coco nchini Myanmar kwenye Ghuba ya Bengal. Kuna ripoti kwamba China inajaribu kupanua kituo chake cha kijeshi hapa.

Kulingana na ripoti ya vyombo vya habari mnamo Desemba 2022, India inapanga kununua ndege zisizo na rubani za MQ-9 Reaper kutoka Marekani kwa matawi matatu ya jeshi.

Mipango mingine ya Jeshi la Wanamaji la India

India inachukua hatua nyingi kutoka kwa ujenzi wa miundombinu kwenye mipaka ya Uchina hadi kununua zana za kijeshi. Hivi karibuni kasi ya kuboresha uwezo wa majini imeongezeka.

Mwezi Machi mwaka huu, serikali ya India iliidhinisha pendekezo la kununua helikopta mpya, mifumo ya makombora na bunduki. Gharama ya miradi hii ni milioni 70,500. Kati ya hizi, asilimia 80 zilitakiwa na Jeshi la Wanamaji la India.

Jeshi la Wanamaji pia linataka makombora ya supersonic ya BrahMos, helikopta na mfumo wa vita vya kielektroniki.

Mfumo wa makombora wa BrahMos umetengenezwa kwa pamoja na NPO Mashinostroyenia ya Urusi na Shirika la Utafiti na Maendeleo la Ulinzi la India (DRDO). India ilitia saini mkataba wa dola milioni 375 kuziuza kwa Ufilipino.

Kwa nini mazoezi ya hivi majuzi ya pamoja ni muhimu sana?

Mnamo Aprili 2023, makala ilitokea katika gazeti la Hindustan Times ikisema kwamba India ina wasiwasi kuhusu harakati za Uchina katika Bahari ya Uchina Kusini na inasisitiza kusimamisha jeshi la wanamaji la China kuingia Bahari ya Hindi kwa hali yoyote.

Labda hiyo ndiyo sababu India inaongeza ushirikiano wake wa kijeshi na nchi za Asia Mashariki kama vile Ufilipino, Malaysia na Vietnam. Nchi hizi zina mizozo ya mpaka na Uchina katika Bahari ya Uchina Kusini.

Mnamo Mei 8, Jeshi la Wanamaji la India lilihitimisha 'Mazoezi ya Bahari ya ASEAN-India' (AIME-23). Hii ni mara ya kwanza kwa nchi za Asia kwa pamoja kufanya mazoezi ya kijeshi katika bahari ya China Kusini. Haya yalizinduliwa katika Kituo cha Wanamaji cha Changi nchini Singapore.

Kumekuwa na ripoti katika vyombo vya habari vya India kwamba meli za China zimeonekana karibu na eneo ambako mazoezi haya ya kijeshi yalifanyika.

Tukio lingine ambalo halikutarajiwa lilikuwa ni kutiwa kizimbani kwa manowari ya Jeshi la Wanamaji la India INS Sindhukesari katika nchi kubwa zaidi ya Kusini-mashariki mwa Asia, Indonesia, mwezi Februari. Ni mara ya kwanza kwa meli ya kivita ya India kwenda Indonesia.

Mwaka jana, India na Japan zilifanya mazoezi ya pamoja katika Ghuba ya Bengal. Wanaitwa 'JIMEX 22'. Ingawa mazoezi kama hayo kati ya nchi hizi mbili yalianza mnamo 2012, wakati huu vyombo vya habari viliangazia zaidi. Mazoezi ya hivi punde yamevutia hisia za ulimwengu huku ushawishi wa China ukiongezeka katika eneo la Indo-Pasifiki.

Kando na hayo, mapema 2023, India na Japan zilikamilisha mazoezi ya pamoja ya anga 'Veer Guardian'. Hii ni mara ya kwanza kwa nchi hizi mbili kufanya mazoezi angani.

Gazeti la South China Morning Post lenye makao yake Hong Kong lilitoa maoni kuwa hili ni jaribio la kutuma ujumbe kwa Uchina.

Uhusiano kati ya India na China ukoje sasa?

Waziri wa Mambo ya Nje wa India S. Jaishankar alisema hivi majuzi kuwa sababu ya hayo ni mvutano unaoendelea kati ya majeshi ya nchi zote mbili mashariki mwa Ladakh.

Wakati huo huo, Waziri wa Mambo ya Nje wa China Qin Gang alisema kuwa hali kwenye mpaka wa India na China ni 'tulivu'.

Wakati wa mkutano wa Mawaziri wa Mambo ya Nje wa Jumuiya ya Ushirikiano ya Shanghai huko Goa mnamo Mei 4 na 5, mzozo wa mpaka pia ulijadiliwa kati ya nchi hizo mbili.

Licha ya juhudi zote, mzozo unaoendelea kati ya India na China bado haujatatuliwa.